ᖃᐅᔨᔭᐅᓯᒪᓕᖅᑐᑦ

1.ᑭᓲᕙ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᑦ?

ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᑦ ᒪᓕᒃᑕᐅᔪᒃᓴᐅᓗᓂ ᓴᖅᑭᑕᐅᓯᒪᔪᖅ. ᒪᓕᒐᓕᐊᖑᓯᒪᔪᖅ ᓄᓇᕗᑦ ᑲᑎᒪᕕᔾᔪᐊᖓᓐᓂᑦ. ᐅᓇ ᒪᓕᒐᓕᐊᖑᓯᒪᔪᖅ ᐱᔪᓐᓇᓐᓂᖃᕈᑕᐅᓗᓂ ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᓄᓇᕗᒻᒥᑦ. ᐱᖁᔭᖅ ᐊᑐᐊᒐᓕᐊᖑᓯᒪᔪᖅ ᐱᔪᓐᓇᕐᓂᖃᒍᓐᓇᖁᓪᓗᒋᑦ ᑕᒪᑮᒃ ᐃᖅᑲᓇᐃᔭᕐᕖᒃ ᐃᖅᑲᓇᐃᔭᖅᑏᓪᓗ. ᓇᓗᓇᐃᖅᓯᓯᒪᓪᓗᓂ ᐊᐅᓚᓂᕆᔭᐅᔭᕆᐊᖃᕐᓂᐅᔪᓂᑦ ᐊᒻᒪᓗ ᐱᔪᓐᓇᕐᓂᖃᒍᓐᓇᖁᓪᓗᒋᑦ ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᑲᒪᔨᖓᓐᓂᑦ ᐅᓇᓗ ᐃᖅᑲᓇᐃᔭᕐᓂᕐᒨᖓᔪᓂᑦ ᓈᒻᒪᒃᑲᓗᐊᕐᒪᖔᑎᑦ ᑲᑎᒪᔨᖏᓐᓂᑦ. ᐃᖅᑲᓇᐃᔭᕐᕖᑦ ᐊᖏᖃᑎᒌᓐᓂᒃᑯᑦ ᐃᖅᑲᓇᐃᔭᕐᑎᒃᓴᐅᔪᒥᑦ ᑮᓇᐅᔾᔭᓴᑭᓗᐊᕐᓂᐅᔪᒥᑦ ᓈᒻᒪᖏᓗᐊᖅᑐᓂᓪᓘᓐᓃᑦ ᐱᖁᔭᐃᑦ ᒪᓕᓪᓗᒋᑦ.

ᐱᖁᔭᕋᓛᑦ Regulations ᐱᖁᔭᕐᓂᑦ ᓈᓚᑦᑐᑎᑦ ᓴᖅᑭᑎᑕᐅᓯᒪᔪᑦ. ᐱᖁᔭᕋᓛᑦ ᒪᓕᑦᑕᐅᔭᕆᐊᓕᖕᓂᑦ ᑐᑭᖏᓐᓂᓪᓗ ᓇᓗᓇᐃᖅᓯᓯᒪᔪᑦ.

ᐱᖁᔭᐃᑦ ᑐᖓᔪᑦ ᐅᑯᓄᖓ:

ᐊᖐᔫᑎᓄᑦ ᐱᓕᕆᐊᖃᕐᕕᐅᔪᑦ;
ᐃᖅᑲᓇᐃᔭᕐᑏᑦ ᐃᖅᑲᓇᐃᔮᖏᑦ ᐊᐅᓚᑕᐅᑎᓪᓗᒋᑦ ᐊᖏᔫᑎᓄᑦ ᐱᓕᕆᐊᖃᕐᕕᖕᓄᑦ;
ᓄᓇᖃᖅᑐᑦ ᐃᖅᑲᓇᐃᔭᕐᑏᑦ, ᓇᓗᓇᐃᖅᑕᐅᓯᒪᓂᒃᑯᑦ ᐱᖁᔭᕋᓛᕐᓂᑦ.

ᐱᖁᔭᑦ ᑐᖓᕕᖃᖏᓐᓂᖓ:

ᒥᑭᒋᐊᓂᐊᕐᑏᑦ ᐊᒻᒪᓗ ᐃᖃᓪᓕᐊᖅᑏᑦ ᓂᐅᕕᐊᑦᓴᕆᓂᐊᕐᓗᒍ;
ᐃᓚᒋᔭᐅᕙᑦᑐᑦ ᐃᓕᓐᓂᐊᖅᑏᓪᓘᓐᓃᑦ ᐱᔪᓐᓇᕐᓂᖃᕐᓗᑎᑦ ᐃᓕᓐᓂᐊᕐᓯᒪᓂᕐᒥᓂ ᐱᖁᔭᕋᓛᑦ ᓇᓗᓇᐃᖅᓯᒪᓂᖏᑦ ᒪᓕᓪᓗᒋᑦ;
ᐅᓇᓗ - ᐃᑲᕐᕋᓕᒫᖅ ᐅᑯᓄᖓ ᐊᑦᑐᐊᓂᖃᙱᑦᑐᖅ ᐃᖅᑲᓇᐃᔭᕐᑎᓄᑦ ᐊᖏᔪᖅᑳᑲᐅᑎᓄᑦ.

ᖃᐅᔨᒪᒋᐊᕐᓗᒍ: ᐃᓚᒋᓕᐅᑎᖃᑕᐅᓯᒪᔪᑦ ᐃᖅᑲᓇᐃᔭᕐᑏᑦ ᐃᖅᑲᓇᐃᔭᕐᕖᑦ ᐊᖏᖃᑎᒌᓐᓂᒃᑰᕐᓗᑎᑦ ᐊᐅᓚᓂᒋᔭᐅᔪᓂᑦ ᒪᓕᓪᓗᑎᒃ ᐊᔩᖃᑎᒌᕈᓐᓇᖅᑐᑦ ᐊᖏᖃᑎᒌᒐᓱᓐᓂᖏᓐᓂᑦ. ᐃᖅᑲᓇᐃᔭᕐᕖᑦ ᐊᖏᖃᑎᒌᓐᓂᒃᑰᕈᑕᐅᔪᑦ ᓈᒻᒪᑐᐃᓐᓇᖅᑐᓂᑦ ᐊᑐᐃᓐᓇᐅᑎᑦᓯᓗᑎᑦ ᐊᑐᐊᖅᑕᐅᓯᒪᔪᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭ.

ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭ ᖃᓄ ᑐᑭᖃᕐᐸ?

ᑐᒃᓯᕋᐅᑏᑦ ᐱᖁᔭᕐᑎᒍᑦ

ᐊᖏᖃᑎᒌᒍᑕᐅᖏᑦᑐᓂᑦ ᐱᖁᔭᕐᑎᒍᑦ ᑐᒃᓯᕌᖑᒍᓐᓇᕐᓗᑎᑦ ᐃᓄᖕᒧᑦ ᐃᓄᓐᓄᓪᓘᓐᓃᑦ, ᑕᒪᓐᓇ ᐃᓱᒪᖅᓴᕐᓯᐅᒍᑕᐅᔪᓐᓇᖅᑐᖅ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐃᖅᑲᓇᐃᔭᕐᑎᖓᓐᓄᑦ.

ᐊᑎᓕᐅᕐᓯᒪᓂᖅ ᐃᖅᑲᓇᐃᔭᕐᑖᒥᓂᑦ

ᐊᖏᒍᑕᐅᓯᒪᔪᓂᑦ ᐃᖅᑲᓇᐃᔭᕐᑎᖅᑖᕆᔭᐅᔪᖅ ᐊᑎᓕᐅᖅᑎᑕᐅᓲᖑᕗᖅ. ᐅᓇᓗ ᐊᖏᖃᑎᒌᒍᑕᐅᓯᒪᔪᖅ ᓇᓗᓇᐃᖅᓯᓯᓲᖑᒻᒪᑦ ᖃᓄ ᐊᑭᓕᖅᑕᐅᕙᓂᐊᕐᒪᖔᑦ ᖃᓄᑎᒋ ᐃᖅᑲᓇᐃᔭᖃᑦᑕᕐᓂᕐᒥᓂᖓᓄᑦ. ᑖᓐᓇ ᐊᖏᖃᑎᒌᒍᑕᐅᓯᒪᓂᖅ ᑎᑎᕋᖅᓯᒪᖏᒃᑲᓗᐊᖅᑎᓪᓗᒍ ᐱᓕᕆᖃᑎᒌᓂᐊᕐᓂᕐᒥᑦ ᓯᕗᓪᓕᐅᑎᑦᑎᔪᑦ ᐊᖏᖃᑎᒌᓐᓂᐅᓂᕐᒥᓪᓗ, ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᑦ ᐊᓪᓚᑦᑕᐅᓯᒪᓂᖏᑦ ᑐᖓᕕᖃᖅᑎᑦᓯᕗᑦ ᐊᖏᖃᑎᒌᓂᕐᒧᑦ. ᐃᖅᑲᓇᐃᔭᕐᕖᑦ ᐃᖅᑲᓇᐃᔭᕐᑏᓪᓗ ᐃᓱᒪᖅᓲᑎᒻᒥᓂᑦ ᐋᔩᖃᑎᒌᑦᑕᐃᓕᒋᐊᓖᑦ ᐊᖏᖃᑎᒌᓐᓂᕐᒥᑦ. ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᑦ ᑕᐃᒫᑦ ᐊᖅᑭᒋᐊᖅᓯᓯᒪᔪᑦ ᒪᓕᑦᑕᒃᓴᐅᔪᒥᑦ. ᐅᑯᐊᓪᓗ ᐃᖅᑲᓇᐃᔭᕐᕖᑦ ᐃᑉᐱᒍᓱᑦᓯᐊᕐᓂᕐᒥᑦ ᐃᖅᑲᓇᐃᔭᕐᑎᕐᒥᓂᑦ ᓴᖅᑭᔮᕐᑎᑦᓯᒋᐊᓖᑦ ᐱᖁᔭᕐᑎᒍᑦ ᒪᓕᓪᓗᑎᑦ.

ᒐᕙᒪᑐᖃᒃᑯᓐᓂᑦ ᑲᒪᒋᔭᐅᔪᓐᓇᖅᑐᑦ

ᐃᓚᖓᑦ ᐱᖓᔪᐊᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᒐᕙᒪᑐᖃᒃᑯᓐᓃᖔᖅᑐᑦ ᑲᓇᑕᒥ ᐃᖅᑲᓴᐃᔭᕐᓂᕐᒨᖓᔪᑦ ᓇᓗᓇᐃᕈᑎ ᑐᑭᓯᐅᒪᑎᑦᓯᒻᒪᑦ ᐃᖅᑲᓇᐃᔭᕐᑎᒋᔭᐅᔪᓄᑦ ᒐᕙᒪᑐᖃᒃᑯᓐᓂᑦ. ᐆᑦᑑᑎᒋᓗᒋ: ᓄᓇᓯᐅᑎᑯᑖᓕᕆᔩᑦ, ᓱᓪᓗᓕᕆᔩᑦ ᓄᓇᒥ, ᐅᓯᑲᑦᑕᖅᑏᑦ ᐊᐃᑦᓯᐅᑎᒃᑯᑦ, ᖃᖓᑕᑎᑦᑎᔩᑦ, ᓈᓚᐅᑎᓕᕆᔩᑦ ᑕᑯᓐᓈᕋᒃᓴᓕᕆᔩᑦ, ᑐᓴᕐᓇᖅᑐᓕᕆᔩᑦ, ᑮᓇᐅᔭᒃᑯᕖᑦ, ᑕᑯᓐᓇᕋᕐᓴᓕᕆᔪᓐᓇᖅᑐᑦ, ᐊᕕᖅᑐᖅᓯᒪᔪᒃᑯᑎᒍᑦ ᓄᓇᓖᑦ ᐅᓯᑲᑦᑕᓕᕆᔩᖏᑦ ᐊᒻᒪᓗ ᐊᐅᓪᓚᖅᑎᑦᑎᔩᑦ ᐃᓚᖃᖅᑐᑎᑦ ᒐᕙᒪᑐᖃᒃᑯᑦ ᑯᐊᐳᕇᓴᖏᑦ. ᑭᓱᑐᐃᓐᓴᐃᑦ ᑐᓴᖅᑕᐅᔪᒪᔪᑦ ᑐᑭᓯᒋᐊᕐᕕᐅᔪᓐᓇᖅᑐᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᕕᖓᓐᓄᑦ. ᑕᐃᑲᓂ ᒐᕙᒪᑐᖃᒃᑯᑦ ᑲᓇᑕᒥ ᐱᓕᕆᑯᖓᓐᓂᑦ ᐃᑲᔪᖅᑕᐅᔪᓐᓇᖅᑐᖃᕐᑐᖅ ᑐᑭᓯᒋᐊᕈᑎᐅᔪᓂᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

ᑐᑭᖏᑦ ᒥᑦᓵᓅᖓᔪᑦ ᑐᑦᓯᕋᐅᑏᓪᓗ, ᐅᕗᖓ ᑕᑯᒋᐊᕆᑦ ᓄᓇᕗᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓄᑦ, ᐱᖁᔭᕋᓛᖏᓪᓗ ᐊᖅᑭᒋᐊᖅᑕᐅᓯᒪᓂᖏᓐᓄᓪᓗ.

2.ᑮᓇᐅᔾᔭᓯᐊᑦ ᒥᑦᓵᓄᑦ ᐊᓪᓚᑦᑕᐅᓯᒪᓂᖏᑦ

ᐃᖅᑲᓇᐃᔭᕐᕖᑦ ᐱᓯᒪᑦᓯᒋᐊᖃᕐᒪᑕ, ᐊᑐᐃᓐᓇᐅᑎᑦᑎᓗᑎ ᑐᑦᓯᕌᖑᑉᐸᑎᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᑲᒪᔨᖓᓐᓄᑦ/ᖃᐅᔨᓴᖅᑐᓕᕆᔨᖓᓄᓪᓗ, ᑮᓇᐅᔾᔭᓯᐊᖑᓯᒪᔪᑦ ᒪᑯᓇᙵᑦ ᑐᑭᓯᐅᒪᒍᒪᓂᕐᒧᑦ ᓴᕿᑎᑦᑎᓗᓂ:

ᐃᖅᑲᓇᐃᔭᕐᑎᐅᑉ ᐊᑎᖓᓐᓂᑦ ᑐᕌᕈᑎᖓᓂᓪᓗ
ᐃᑲᕐᕋᐃᑦ ᐃᖅᑲᓇᐃᔭᖅᑕᒥᓂᖏᑦ ᐊᑐᐃᓐᓇᐅᒍᑎᒥᓂᖏᓪᓘᓐᓃᑦ
ᑮᓇᐅᔾᔭᓴᐅᑎᖏᑦ ᐊᒻᒪᓗ ᓯᒃᑭᑖᕆᕙᑦᑕᖏᑦ
ᐃᖅᑲᓇᐃᔮᖓᑕ ᐱᒋᐊᕐᖓᕈᑎᒥᓂᖓ ᐃᖅᑲᓇᐃᔭᓕᕈᑎᒥᓂᖓ ᓇᓪᓕᐅᓂᖅᓯᐅᕐᓂᖓᓗ ᐅᓪᓗᖅ ᐱᒋᐊᕐᖓᕐᓂᕈᑎᒥᓂᖓᓐᓂᑦ.
ᖃᓄᑎᒋ ᑮᓇᐅᔾᔭᓯᐊᑦᓴᖏᑦ ᐅᓪᓗᓕᐅᖅᑕᐅᓯᒪᔪᑦ ᖃᓄᐃᓕᖓᓂᐊᕐᓂᖏᑦ ᑮᓇᐅᔾᔭᓯᐊᑦᓴᐅᔪᑦ ᐊᓯᔾᔨᖅᐸᓪᓕᐊᓂᖏᓪᓗ;
ᐊᕐᕌᒍᖅ ᑕᒫᑦ ᕿᑲᕈᓐᓇᐅᑏᑦ ᐊᖏᖅᑕᐅᓯᒪᓂᖏᑦ, ᓇᓗᓇᐃᖅᑕᐅᓯᒪᑦᓯᐊᕐᓗᑎ
ᖃᖓ ᐱᒋᐊᕐᓂᖃᕐᓂᖓ ᐱᔭᕇᕐᕕᖓᓗ
ᐃᖅᑲᓇᐃᔮᕐᒥᓄ ᕿᑲᖅᑎᑕᐅᔪᓐᓇᕐᓂᖓ ᐊᕐᕌᒍ ᑕᒫᑦ, ᐊᒻᒪᓗ
ᖃᓄᑎᒋ ᖀᓇᐅᔭᕐᑎᒍᑦ ᕿᑲᔾᔪᓯᐊᕐᐸᓐᓂᖓ;
ᐅᑯᐊᓗ ᐊᑭᓕᐅᑎᐅᕙᑦᑐᑦ ᕿᑲᔾᔪᓯᐊᑦ ᓄᖃᖅᑎᑕᐅᒑᖓᑦ ᐃᖅᑲᓇᐃᔮᒥᓂᑦ
ᒪᑯᐊ ᑮᓇᐅᔭᖅᑎᒍᑦ ᕿᑲᑲᐃᓐᓇᖅᑎᑕᐅᒍᑎᖏᑦ ᖃᑦᓯᕌᕐᓂᖏᑦ ᐱᖁᔭᑦ ᐊᑐᐊᖅᑕᐅᓯᒪᓂᖏᓐᓂᑦ ᒪᓕᓪᓗᑎ;
ᐲᔭᐃᕕᐅᓚᖓᒍᓂ ᐃᖅᑲᓇᐃᔭᕐᑎ ᓯᑭᑖᕐᒥᓂᑦ ᐲᔭᐃᕕᐅᓂᖏᑦ ᓇᓗᓇᐃᖅᑕᐅᓯᒪᑦᓯᐊᕐᓗᑎᑦ ᓱᒻᒪᓪᓗ ᐲᔭᐃᕕᐅᒻᒪᖔᕐᒥ ᑐᑭᓯᓇᕐᓗᓂ:
ᐊᔾᔨᓪᓗᐊᖓᓐᓂᑦ ᐊᒥᓱᓕᐊᕆᔭᐅᓯᒪᔪᒥᑦ ᓄᖅᑲᖅᑎᑕᐅᓂᐅᑉ ᒥᑦᓵᓄᑦ ᑐᑭᓯᐅᒪᑎᑦᑎᓗᓂ ᐃᖅᑲᓇᐃᔭᕐᑎᐅᓚᐅᖅᑐᒧᑦ;
ᑕᐃᒃᑯᐊᓗ ᐊᒥᐊᒃᑯᐃᑦ ᑮᓇᐅᔭᕐᑖᓴᖏᑦ ᐊᑭᓕᖅᑕᐅᓗᑎᒃ ᐃᓚᖃᕐᓗᑎᑦ ᓱᒻᒪᑦ ᐃᖅᑲᓇᐃᔮᖃᒍᓐᓃᕐᒪᖔᑦ.

ᑮᓇᐅᔾᔭᓯᐊᑦ ᒥᑦᓵᓄᑦ ᐊᓪᓚᑦᑕᐅᓯᒪᓂᖏᑦ

ᐃᖅᑲᐃᑎᒃᓯᒋᐊᕈᑏᑦ

ᐃᑲᕐᕋᐃᑦ ᐃᖅᑲᓇᐃᔭᕐᑕᖏᑦ

ᐊᓪᓚᑦᑕᐅᓯᒪᖃᑕᕆᐊᓖᑦ ᐃᖅᑲᓇᐃᔭᕐᑕᖏᑦ ᐅᓪᓗ ᑕᒫᑦ.

ᐱᓯᒪᑦᓯᓂ ᐊᓪᓚᑦᑕᐅᓯᒪᔪᓂ

ᐃᖅᑲᓇᐃᔭᕐᕕᓕᒫᑦ ᑲᒪᑦᓯᐊᕐᓗᑎᑦ ᒪᑯᓇᙵᑦ ᑮᓇᐅᔾᔭᓯᐊᑦ ᐊᓪᓚᑦᑕᐅᓯᒪᓂᖏᓐᓂᑦ ᐊᑯᓂᐅᑎᒋᔪᒥ ᓇᐃᓈᕐᓯᒪᖏᓪᓗᒍ ᐊᕐᕋᒍᐃᑦ ᒪᕐᕉᖕᓄᑦ ᐊᓪᓚᑦᑕᐅᓕᕋᑖᕐᓂᖓᓐᓂᑦ.

ᑲᒪᒋᔭᐅᑦᓯᐊᖏᑐᒥᓃᑦ ᐊᓪᓚᑕᐅᓯᒪᔪᑦ ᑕᐃᒫᑦᓯᐊᖑᒐᓗᐊᕐᒪᖔᑕ ᐃᖅᑲᓇᐃᔭᕐᕕᒻᒥ

ᑲᒪᑦᓯᐊᖏᑦᑐᒥᓂᐅᒍᓂ ᐃᖅᑲᓇᐃᔭᕐᕕᒋᔭᐅᔪᖅ ᐊᓪᓚᑦᑕᐅᓯᓚᒧᓂᑦ, ᐃᖅᑲᓇᐃᔭᕐᑎᐅᑉ ᐃᖅᑲᓇᐃᔮᒥᓂᖓ ᖃᓄᑎᒋ ᐊᓪᓚᑦᑕᐅᓯᒪᔪᖅ ᑎᑎᖅᑲᕐᑎᒍᑦ ᓇᓗᓇᐃᖅᓯᓯᒪᕙᒻᒪᑦ ᐃᖅᑲᓇᐃᔭᖃᑦᑕᕐᑕᒥᓂᐅᔪᓂᑦ ᕿᒥᕐᕈᔭᐅᓗᓂ ᖃᐅᔨᓴᕐᓂᖅᑕᖃᕐᐸᑦ ᐱᔭᕇᒍᓐᓇᖁᓪᓗᒍ ᖃᐅᔨᓴᖅᑐᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐅᓐᓂᕐᓘᑕᐅᔪᓄᑦ. ᐊᖏᖃᑎᒌᙱᓐᓂᖃᕐᐸᑦ, ᐃᖅᑲᓇᐃᔭᕐᕕᐅᔪᖅ ᓴᖅᑭᑦᓯᔭᕆᐊᖃᕋᔭᕐᑐᖅ ᐅᓇ ᐸᐃᑉᐹᖅ ᑕᒻᒪᖅᓯᒪᓂᖓᓐᓂᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

3.ᓈᒻᒪᑐᐃᓐᓇᕐᑐᒥᑦ ᑮᓇᐅᔾᔭᓴᕐᓂᖅ/ᑕᖃᐃᖅᓯᑎᑕᐅᓂᖅ/ᐊᑐᐃᓐᓇᐅᑎᑕᐅᔪᖅ

ᓈᒻᒪᑐᐃᓐᓇᕐᑐᒥᑦ ᑮᓇᐅᔾᔭᓴᕐᓂᐅᑉ ᐊᑭᖏᑦ- ᐃᖅᑲᓇᐃᔭᕐᑏᑦ ᓈᒻᒪᑐᐃᓐᓇᕐᑐᒥᑦ ᐃᑲᕐᕋᖏᑎᒍᑦ ᐊᑭᓕᖅᓱᕐᑕᐅᔭᕆᐊᖃᕐᑐᑦ ᐃᖅᑲᓇᐃᔭᕈᑎᒥᓂᖏᓐᓂᑦ.

ᓈᒻᒪᑐᐃᓐᓇᕐᑐᒥᑦ ᑮᓇᐅᔾᔭᓴᕐᓂᖅ ᐊᖅᑭᕐᑕᐅᓯᒪᓂᖓ ᐃᒪᐃᓕᖓᕗᖅ $19.00 ᐃᑲᕐᕋᓕᐊᖓᓂ.

ᑮᓇᐅᔾᔭᓴᐅᑏᑦ ᓇᓗᓇᐃᖅᑕᐅᓯᒪᕗᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᓐᓂ ᐃᓚᒋᓕᐅᑎᓗᒍ ᐱᔭᒃᓴᓕᐊᕆᔭᓕᒫᖏᑦ ᐱᔭᒃᓴᓕᒫᖏᓪᓗ ᐅᑯᐊ ᐃᓚᒋᔭᐅᖏᒃᑲᓗᐊᖅᑎᓪᓗᒋᑦ ᐱᔨᖅᓯᕋᐅᓯᐊᑦ ᐊᒻᒪᓗ ᐊᓯᖏᑦ ᑐᙵᓲᓯᐊᑦ.

ᑕᖃᐃᖅᓯᑲᐃᓐᓇᕐᓂᖅ- ᐃᖅᑲᓇᐃᔭᕐᑏᑦ ᐱᕕᖃᕐᑎᑕᐅᒻᒪᑎᑦ ᐊᑕᐅᓯᕐᒥᑦ ᐱᓇᓱᐊᕈᓯᐅᑉ ᐃᓗᐊᓂ ᑕᖃᐃᖅᓯᑲᐃᓐᓇᕈᓐᓇᓂᕐᒥ, ᐊᒻᒪᓗ ᐱᔪᓐᓇᖅᓯᑐᐊᕋᐃᒐᒥ, ᐅᓇ ᓇᓗᓇᐃᖅᑕᐅᓯᒪᔪᖅ ᓇᑦᓯᐅᖑᔭᖅ.

ᓂᕆᒋᐊᖅᑐᒍᓐᓇᕐᓂᖅ- ᐃᖅᑲᓇᐃᔭᕐᑏᑦ ᓂᕆᒋᐊᖅᑐᒍᓐᓇᕐᓂᖃᕐᓗᑎᑦ ᐃᑲᕐᕋᐅᑉ ᓇᑉᐸᖓᓐᓂᑦ ᐃᖅᑲᓇᐃᔭᒋᐊᖅᓯᒪᒍᓂ ᐃᑲᕐᕋᐃᑦ ᑕᓪᓕᒪᓄᑦ ᐊᓪᓚᑦᑕᐅᓯᒪᔪᓂᑦ ᐱᖁᔭᕋᓛᓂᑦ. ᐃᖅᑲᓇᐃᔭᕐᑎ ᓂᕆᒋᐊᖅᑐᑦᓯᒪᒍᓂ ᐃᖅᑲᓇᐃᔭᕐᑕᐃᓕᓯᒪᒋᐊᓕ. ᐃᓚᐃᓐᓇᖏᑦ ᐃᖅᑲᓇᐃᔮᖏᑦ ᓈᒻᒪᐃᓐᓇᖏᒻᒥᔪᑦ ᓂᕆᔭᖅᑐᑲᐃᓐᓇᒐᓱᓐᓂᐅᔪᑦ. ᑕᐃᒪᐃᑦᑐᖃᖅᑎᓪᓗᒍ ᐃᖅᑲᓇᐃᔭᕐᕖᑦ ᑐᑦᓯᕋᐅᑎᒻᒥᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓂᑦ ᒪᓕᑦᑕᐅᖏᒍᓐᓇᕐᓂᐅᔪᒥᑦ ᐱᔪᒪᔭᕆᐊᓕ.

ᓈᒻᒪᑐᐃᓐᓇᕐᑐᒥᑦ ᑮᓇᐅᔾᔭᓴᕐᓂᖅ/ᑕᖃᐃᖅᓯᑎᑕᐅᓂᖅ/ᐊᑐᐃᓐᓇᐅᑎᑕᐅᔪᖅ

ᐊᑐᐃᓐᓇᐅᑎᑕᐅᓂᕐᒥᓂᑦ ᑮᓇᐅᔾᔭᓴᖅᑎᑕᐅᔪᖅ

ᑮᓇᐅᔾᔭᓴᕐᓂᕐᒨᖓᔪᓂᑦ ᐱᖁᔭᕋᓛᒃᑯᑎᒍᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᑦ ᐅᖃᕐᒪᑦ ᐃᖅᑲᓇᐃᔭᕐᕕᒃ ᐅᑎᖁᔨᓗᓂ ᐃᖅᑲᓇᐃᔭᕐᑎᒥᑦ ᐃᖅᑲᓇᐃᔭᕐᕕᒻᒥᓄᑦ, ᐅᓇᓗ ᐅᑎᖁᔭᐅᓂᖅ ᐸᓐᓇᐅᑎᐅᓯᒪᖏᖄᖅᑎᓪᓗᒍ, ᐃᖅᑲᓇᐃᔭᕐᑎ ᐊᑭᓕᖅᑕᐅᔭᕆᐊᖃᕐᐳᖅ ᓇᒻᒪᑐᐃᓐᓇᖅᑐᓂᑦ ᐃᑲᕐᕋᓕᐊᖑᓯᒪᔪᓂᑦ ᐃᒫᑦ ᑎᓴᒪᓂᑦ ᐃᑲᕐᕋᓐᓂᑦ ᑮᓇᐅᔾᔭᓴᖅᑎᑕᐅᓗᓂ ᑕᐃᒫᑎᒋ ᑮᓇᐅᔾᔭᓴᐅᑎᒻᒥᓂᑦ ᒪᓕᓪᓗᑎᑦ ᐃᖅᑲᓇᐃᔭᕆᐊᖅᑐᒥᓂᐅᒍᓂ ᐅᑎᖁᔭᐅᓯᒪᓂᖓᓐᓄᑦ. ᐊᓪᓛᑦ ᐱᔭᑦᓴᖃᖏᒃᑲᓗᐊᖅᐸᑦ ᓱᓕ ᑕᒻᒪᓇ ᒪᓕᑦᑕᐅᔭᕆᐊᓕ ᐱᖁᔭᕋᓛᖏᓐᓃᑦᑐᖅ.

ᐅᓇ ᑐᑭᓕᐊᕈᑎᑐᐃᓐᓇᖅ

4. ᓈᓚᑦᑕᐅᒋᐊᓖᑦ ᐊᑭᓕᖅᑕᐅᔭᕆᐊᖃᕐᓂᖏᑦ

ᑮᓇᐅᔭᖅᑖᕐᕖᑦ- ᐃᖅᑲᓇᐃᔭᕐᕕᐅᔪᑦ ᐅᓪᓗᖏᑦ ᐊᖅᑭᖅᑕᐅᓯᒪᔭᕆᐊᖃᖅᐳᑦ ᑮᓇᐅᔾᔭᓵᖏᑦ ᑕᖅᑭᖅ ᑕᒫᑦ ᖄᖏᐅᑎᙱᓪᓗᓂ.

ᐊᑭᓕᖅᑕᐅᓯᒪᓂᖏᖅ ᑮᓇᐅᔾᔭᓴᕐᓴᐃᑦ- ᐅᓪᓗᐃᑦ ᖁᓖᑦ ᓈᓯᒪᓕᖅᑎᓪᓗᒋᑦ ᐱᓕᕆᐊᕆᔭᐅᔪᑦ, ᐃᓘᓐᓇᑎᑦ ᐃᖅᑲᓇᐃᔭᕐᕕᑦ ᓈᓴᐃᓯᒪᔭᕆᐊᖃᕐᐳᑦ ᑮᓇᐅᔾᔭᓵᖑᔪᓂᑦ ᐃᖅᑲᓇᐃᔭᕐᑎᓄᑦ, ᑕᒫᓂᓗ ᓯᒃᑭᑖᖅᑎᑦᓯᖃᑦᑕᕐᓗᑎᑦ ᐃᖅᑲᓇᐃᔭᖅᑎᒥᑦ ᓯᒃᑎᑖᕐᓇᖅᓯᕌᖓᑦ.

ᓄᖅᑲᖅᑎᑕᐅᓯᒪᔪᖅ ᐃᖅᑲᓇᐃᔮᕐᒥᓂ- ᐅᓪᓗᐃᑦ ᖁᓖᑦ ᑭᖑᓂᐊᒍ ᐃᖅᑲᓇᐃᔮᕐᒥᓂᑦ ᐲᖅᑎᑕᐅᑎᓪᓗᒍ, ᐃᖅᑲᓇᐃᔭᕐᕕᑦ ᑮᓇᐃᔾᔭᓵᖏᓐᓂᑦ ᐊᑭᓕᖅᑕᐅᒃᑲᐃᓯᒪᒋᐊᓕ ᐃᖅᑲᓇᐃᔭᕐᑎᒥᓂᑦ.

ᑮᓇᐅᔾᔭᐅᑏᑦ- ᐃᖅᑲᓇᐃᔭᕐᑎ ᑮᓇᐅᔾᔭᓴᐅᑎᒥᓂᑦ ᐲᖅᑎᑕᐅᓯᑉᐸᑦ ᐃᖅᑲᓇᐃᔮᒥᓂᑦ, ᐃᑲᕐᕋᐃᑦ ᐃᖅᑲᐃᔭᖅᑕᒥᓂᖏᑦ ᐊᑭᓕᖅᑕᐅᔾᔪᑎᒋᔭᕆᐊᓕᖏᑦ.

ᐊᑭᓕᖅᑕᐅᔾᔪᑎᒥᓃᑦ ᓇᓕᖅᑲᖏᑦ- ᐃᖅᑲᓇᐃᔭᕐᕕᒃ ᖃᖓᑐᐃᓐᓇᖅ ᑮᓇᐅᔾᔭᓴᐅᑎᐅᔪᓂᑦ ᐸᐃᑉᐸᖅᑎᒍᑦ ᑕᑯᑎᑦᓯᒋᐊᓕ ᐃᖅᑲᓇᐃᔭᕐᑎᒻᒥᓂ ᓇᓕᖃᖓᓐᓂᑦ ᓇᓗᓇᐃᖅᓯᓯᒪᓗᓂ ᒪᑯᓇᖓ:

ᖃᓄᑎᒋ ᑮᓇᐅᔾᔭᓴᕐᒪᖓᑦ
ᐃᑲᕐᕋᖏᑦ ᐊᑭᓕᖅᑕᐅᒍᑎᐅᔪᑦ
ᑮᓇᐅᔾᔭᓴᐅᑎᐅᔪᑦ ᓇᓗᓇᐃᖅᓯᒪᓗᒋ
ᐲᔭᐃᕕᐅᖃᑦᑕᕐᓂᖓ ᓯᒃᑭᑖᕐᒥᓂ ᐊᒻᒪᓗ
ᓯᒃᑭᑖᕆᔭᖏᑦ ᖃᑦᓯᐅᒻᒪᖔᑕ

ᓇᓕᓇᐃᖅᓯᒪᑦᓯᐊᕐᓗᑎᑦ ᓇᓕᖅᑲᐃᑦ- ᐃᖅᑲᓇᐃᔭᕐᕕᒃ, ᑐᑦᓯᕋᕐᕕᐅᑉᐸᑦ ᐃᖅᑲᓇᐃᔭᕐᑎᒧᑦ, ᓇᓗᓇᐃᔭᖅᓯᒪᑦᓯᐊᖅᑐᒥᑦ ᑐᓂᓯᒋᐊᓕ ᑮᓇᐅᔾᔭᓵᖏᑕ ᓇᓕᖅᑲᖓᓐᓂᑦ ᐅᑯᐊᓗ ᓇᓗᓇᐃᔭᖅᑕᐅᓯᒪᑦᓯᐊᕐᓗᑎᑦ ᑮᓇᐅᔾᔭᓴᕐᓂᖓ ᐃᓚᓕᐅᑎᓯᓚᔪᑦ ᑮᓇᐅᔭᖅᑖᕈᑎᐅᒃᑲᓐᓂᕈᑕᐅᕙᑦᑐᑦ ᐅᖓᓯᑦᑐᒥᐅᓄᑦ ᓴᖅᑭᔮᑦᓯᐊᕐᓗᓂ ᑐᑭᓯᓇᖅᓯᓗᓂ ᓇᓕᖅᑲᖓᓐᓂᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

5. ᐃᓅᓱᑦᑐᑦ ᐃᖅᑲᓇᐃᔭᖅᑏᑦ/ ᐃᓕᓐᓂᐊᕐᓗᓂ ᐃᖅᑲᓇᐃᔭᕐᑐᖅ

ᐃᓅᓱᑦᑐᑦ ᐃᖅᑲᓇᐃᔭᖅᑏᑦ

ᑐᑭᓕ- ᐃᓅᓱᑦᑐ ᐊᕐᕌᒍᓕᐅᕐᑕᐅᓯᒪᔪᖅ 17ᖑᓚᐅᖏᑎᓪᓗᒍ.

ᐃᖅᑲᓇᐃᔭᕐᕕ ᐃᒫᑦ ᐃᖅᑲᓇᐃᔭᕐᑎᑦᑎᑕᐅᓕᒋᐊᓕ ᐃᖅᑲᓇᐃᔭᖁᔨᑦᑕᐃᓕᓗᓂᓗ ᐃᓅᓱᑦᑐᒥᓂᑦ ᖃᖓᑐᐃᓐᓇᖅ 11:00 ᐅᓐᓄᒃᑯᑦ 6:00 ᐅᓪᓛᒃᑯᑦ ᐊᑯᓐᓂᖓᓐᓂᑦ. ᐊᖏᖅᑕᐅᓯᒪᖄᓚᐅᕋᓂ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓄᑦ, ᑕᒪᓐᓇ ᑕᐃᒪᐃᓐᓂᐊᕐᓂᖓᓂ ᐊᒻᒪᓗ ᐃᓱᒪᒋᔭᐅᖄᕐᓗᓂ ᐊᑦᑕᓇᖏᑦᑐᒦᓚᖓᒋᐊᖓ ᐃᓅᓱᑦᑐ, ᐅᑯᐊᓗ ᒪᓕᑦᑕᐅᑦᓯᐊᒐᓗᐊᕐᒪᖔᑎ ᒪᓕᒋᐊᓖᑦ ᐱᖁᔭᑎᒎᕐᑐᑦ ᐊᑦᑕᓇᑦᑕᐃᓕᒪᓂᕐᒨᖓᔪᑦ ᐊᑐᐊᖅᑕᐅᓯᒪᔪᑦ ᐃᖅᑲᓇᐃᔭᖅᑐᓕᕆᔨᑦᑯᑦ ᐊᑦᑕᓇᖅᑕᐃᓕᒪᑎᑦᑎᔩᑦ ᑲᒥᓴᖏᓐᓂ.
ᐃᖅᑲᓇᐃᔭᕐᕕ ᐃᓅᓱᑦᑐᒥᑦ ᐃᖅᑲᓇᐃᔭᕐᑎᖅᑖᕋᒪᑉᐸᑦ ᐃᓪᓗᓕᐅᖅᑏᑦ ᐊᓯᐊᓂ ᑐᑦᓯᕋᐅᑎᖕᒥᑦ ᐱᓗᑎᑦ ᑕᑕᑎᑦᓯᓯᒪᓗᑎᑦ ᑐᑦᓯᕋᒋᐊᖃᕐᐳᑦ ᐅᑯᓄᖓ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ ᐊᖏᖅᑕᐅᕐᓰᓗᑎᑦ ᐃᖅᑲᓇᐃᔭᕐᑎᖃᒍᓐᓇᕐᒪᖔᕐᒥᑦ ᐃᓅᓱᑦᑐᒥᑦ.

ᐃᓅᓱᑦᑐᑦ ᐃᖅᑲᓇᐃᔭᖅᑏᑦ/ ᐃᓕᓐᓂᐊᕐᓗᓂ ᐃᖅᑲᓇᐃᔭᕐᑐᖅ

ᐃᓕᓐᓂᐊᕐᑎ ᐃᓕᓐᓂᐊᕐᓗᓂ ᐃᖅᑲᓇᐃᔭᕐᑐᖅ

ᒪᑦᓱᒪᖓᑦ ᐅᖃᐅᓯᓕ:

ᐃᓕᓐᓂᐊᕈᑎᐅᓗᓂ ᐃᖅᑲᓇᐃᔭᖅᑎᑕᐅᓂᖅ, “ᐃᖅᑲᓇᐃᔭᕐᑎ” ᐃᒫ ᐃᓕᓐᓂᐊᖅᑎ ᐃᖅᑲᓇᐃᔭᕐᑎᑕᐅᖃᑦᑕᕐᑐᖅ ᐅᑯᓄᖓ ᐊᑐᐊᓂᖃᕐᓗᓂ ᑖᑦᓱᒪ ᐃᓕᓐᓂᐊᖅᑕᖏᓐᓄᑦ.
ᐃᓕᓐᓂᐊᕐᕕ (ᐃᓕᓐᓂᐊᕐᕕ ᓯᓚᑦᑐᓴᕐᕖᓪᓘᓐᓃᑦ) ᐃᓕᓐᓂᐊᕐᑎᕐᒥᑦ ᐃᖅᑲᓇᐃᔭᕐᕕᒻᒧᑦ ᖃᖓᑐᐃᓐᓇᖅ ᑐᑦᓯᕋᐅᑎᕐᒥᑦ ᑕᑕᑎᑦᓯᒋᐊᓕ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑦ ᐱᓕᕆᔨᖓᓐᓄᑦ. ᐅᓇᓗ ᑐᑦᓯᕋᐅᑎ ᕿᒥᕐᕈᔭᐅᓚᐅᕐᓗᓂ ᐱᓕᕆᔨᖕᒧᑦ, ᐊᖏᖅᑕᐅᒍᓂ, ᐃᓕᓐᓂᐊᖅᑎᑕᐅᓂᕐᒧᑦ ᐃᖅᑲᓇᐃᔭᕈᓐᓇᐅᑎᒥᑦ ᐱᔪᓐᓇᐅᑎᖅᑖᕐᑎᑕᐅᒐᔭᕐᑐᖅ ᐅᕙᓂᓗ ᓇᓗᓇᐃᖅᓯᓯᒪᓗᑎᑦ ᑮᓇᐅᔾᔭᓴᐅᑎᒃᓴᐃᑦ ᒥᑦᓵᓅᖓᔪᑦ, ᑕᐃᒪᐃᑦᑐᖃᕐᐸᑦ, ᐃᖅᑲᓇᐃᔭᕐᑎᒻᒧᑦ ᑮᓇᐃᔾᔭᓴᐅᑏᑦ ᐱᔪᓐᓇᐅᑎ ᒪᓕᓪᓗᒍ.

ᐅᓇ ᑐᑭᓕᐊᕈᑎᑐᐃᓐᓇᖅ

6. ᓈᓚᑦᑕᐅᒋᐊᓖᑦ ᓄᖅᑲᕐᑎᑦᑎᓂᐊᕐᓗᓂ ᐃᖅᑲᓇᐃᔮᒥᑦ

ᐱᔪᓐᓇᖅᑐᑦ

ᐃᖅᑲᓇᐃᔭᕐᑎᐅᒍᓂ ᑖᑦᓱᒧᖓᑦᓴᐃᓐᓇᖅ ᐅᓪᓗᐃᑦ 90 ᓈᓯᒪᓕᖅᐸᑎ ᐅᖓᑖᓄᓪᓘᓐᓃᑦ ᖃᐅᔨᒃᑲᖅᑕᐅᔭᕆᐊᖃᕐᐳᑦ ᐱᓇᓱᐊᕈᓰᑦ ᒪᕐᕉᒃ ᓈᓚᐅᖅᑎᓐᓇᒋᑦ ᐲᖅᑎᑕᐅᓂᕐᐊᑐᖃᕐᐸᑦ ᐃᖅᑲᓇᐃᔮᕐᒥᓂᑦ, ᐃᖅᑲᓇᐃᔭᕐᕕᒋᔭᐅᔪᖅ ᑐᑭᓯᑎᑦᓯᒍᒪᙱᒍᓂ ᐱᔾᔪᑎᒋᔭᐅᔪᒥᑦ, ᐃᖅᑲᓇᐃᔭᕐᕕ ᑭᖑᓪᓕᖅᐹᖅᓯᐅᒻᒥᑦ ᓯᒃᑭᑖᖅᑎᑦᓯᔪᓐᓇᕐᐳᖅ ᑐᓴᖅᑎᑦᓯᖏᖔᕐᓗᓂ. ᐅᕙᓂᓪᓗ ᐅᓪᓗᐃᑦ 90 ᓇᐃᓈᖅᓯᒪᓗᑎᑦ ᑲᑎᑦᑎᑦᑕᑐᐊᕈᑎ ᓈᒻᒪᖅᓯᓗᑎ ᐅᓪᓗᖏᑦ ᐃᓗᐃᑦᑑᒋᐊᓖᑦ ᐅᑯᐊᓗ ᓇᐃᑦᑐᒥᓂᐅᒍᓂ ᐃᖅᑲᓇᐃᔭᖃᑦᑕᕈᑎᒥᓂᖏᑦ. ᐃᓚᓕᐅᑎᓯᒪᓗᒍ ᑭᓇᑐᐃᓐᓇᖅ ᐃᖅᑲᓇᐃᔭᕐᓯᒪᒋᐊᖃᕐᓂᖓᓂ ᐃᑲᕐᕋᐃᑦ ᐊᒥᓲᓂᖏᑦ ᐃᓱᓕᓐᓂᖃᕐᓗᑎᑦ 25ᓂᑦ ᐱᓇᓱᐊᕈᓯᓕᒫᖅ. ᐅᖃᕐᕕᐅᒍᓐᓇᖅᑐᖅ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨ ᐊᓯᖏᓐᓂᑦ ᒪᓕᕋᒐᓛᓂᑦ ᖃᐅᔨᒋᐊᕈᒪᒍᕕᑦ. ᐃᖅᑲᓇᐃᔭᕐᑏᑦ ᐃᖅᑲᓇᐃᔭᖅᑎᒋᔭᐅᓯᒪᔪᑦ ᑖᒃᑯᓇᙵᑦᓴᐃᓐᓇᖅ ᐊᕐᕌᒍᐃᑦ ᐱᖓᓱᑦ ᓯᑕᒪᓪᓘᓐᓃᑦ ᖃᐅᔨᒃᑲᖅᑕᐅᓯᒪᕙᒌᕆᐊᓕᑦ ᐱᓇᓱᐊᕈᓯᕐᒥᑦ ᐃᓚᓯᓗᑎᑦ ᓯᕗᓂᐊᒍ, ᐃᒫᖔᕐᓘᓐᓃᑦ ᑮᓇᐅᔭᖅᑖᖔᖃᑦᑕᕐᓗᓂ ᐱᓇᓱᐊᕈᓯᓕᒫᒧᑦ ᐊᕐᕋᒍᐃᑦ ᐃᖅᑲᓇᐃᔮᕆᔭᒥᓂᖏᑕ ᐃᓱᓕᕐᕕᑦᓴᖃᓪᓗᓂ ᐱᓇᓱᐊᕈᓰᑦ ᓯᑕᒪᐅᔪᖅᑑᑦ.

7. ᐃᑲᕐᕋᖃᕐᕖᑦ

ᐃᖅᑲᓇᐃᔭᕐᑎᓄᑦ ᐃᑲᕐᕋᒋᔭᐅᒐᔪᑦᑐᑦ - ᐅᓪᓗ ᐊᑕᐅᓯᖅ ᐃᑲᕐᕋᐃᑦ ᓯᑕᒪᐅᔪᖅᑐᑦ ᐊᒻᒪᓗ ᐱᓇᓱᐊᕈᓕᒫᑦ ᐃᑲᕐᕋᐃᑦ ᒪᕐᕉᒃ ᐊᕙᑏᑦ (40).

ᖄᖏᐅᑎᓯᒪᔪᑦ ᐃᑲᕐᕋᖏᓐᓂᑦ - ᖃᖓᑐᐃᓐᓇᖅ ᐃᖅᑲᓇᐃᔭᕐᑎ ᖄᖏᐅᑎᓯᒪᑉᐸᑦ ᐃᑲᕐᕋᖏᓐᓂᑦ ᐃᖅᑲᓇᐃᔭᕐᕕᒋᔭᖕᓂ, ᐅᑯᐊ ᐃᓚᒋᐊᖅᓯᓚᔪᑦ ᐃᑲᕐᕋᐃᑦ ᐊᑭᓕᖅᓱᖅᑕᐅᒃᑲᓐᓂᕈᑎᒋᕙᐃᒃ ᖄᖓᒍᒃᑲᓐᓂ. ᐃᖅᑲᓇᐃᔭᕐᕕ ᐊᑭᓕᖅᓱᐃᒋᐊᖃᓕᕆᓪᓗᓂ ᐃᓚᓕᐅᑎᓯᒪᔪᒥᑦ ᑮᓇᐃᔾᔭᓵᖏᑕ ᖄᖓᒍᒃᑲᓐᓂ 1.5 ᑮᓇᐅᔾᔭᓴᐅᑎᖓᑕ ᐃᖅᑲᓇᐃᔭᕐᑎᐅᑉ ᐃᑲᕐᕋᖅ ᑕᒫᑦ ᑮᓇᐅᔾᔭᓴᕐᓂᖓ ᒪᓕᓪᓗᒍ. ᑕᑯᒋᐊᕈ ᐆᑦᑐᑎᒋᔭᐅᔪᖅ ᑕᐃᒪᓐᓇ ᐱᔭᐅᕙᑦᑐᒥᓃᑦ ᒪᑉᐱᒐᖓᓐᓂ 2.

ᐃᑲᕐᕋᐃᑦ ᖄᖏᐅᑎᔭᐅᔪᓐᓇᕐᓂᖏᑦ- ᖄᖏᐅᑎᒍᓐᓇᕐᓂᐅᔪᑦ ᐃᑲᕐᕋᖏᑦ ᐃᖅᑲᓇᐃᔭᖅᑎᐅᑉ ᐃᒪᐃᓕᖓᕗᑦ ᐃᑲᕐᕋᐃᑦ ᖁᓖᑦ ᐅᓪᓗᓕᒫᖅ ᐊᒻᒪᓗ ᐱᓇᓱᐊᕈᓯᓕᒫᖅ ᐃᑲᕐᕋᐃᑦ 60. ᖃᖓᑐᐃᓐᓇᖅ ᐃᖅᑲᓇᐃᔭᕐᕕ ᐃᖅᑲᓇᐃᔭᕐᑎᒻᒥᓂ ᖄᖏᐅᑎᒋᐊᑲᓐᓂᖁᔨᒍᓂ ᐃᑲᕐᕋᐃᑦ ᖄᖓᒍᑦ, ᑐᑦᓯᕋᐅᑎᒻᒥᑦ ᑐᓂᓯᒋᐊᓕ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ, ᐱᓕᕆᔨᐅᑉ ᕿᒥᕐᕈᓗᓂᐅᒃ ᑐᑦᓯᕋᐅᑎ ᐃᓱᒪᖅᓴᕐᓯᐅᒍᓐᓇᕐᑐᖅ ᐱᔪᓐᓇᐅᑎᒥᑦ ᑐᓂᓯᓗᓂ ᐃᑲᕐᕋᐃᑦ ᖄᖓᒍᒃᑲᓐᓂ ᐃᖅᑲᓇᐃᔭᒍᓐᓇᕐᒪᖔᑦ.

ᓈᓚᑦᑕᐅᒋᐊᓖᑦ ᓄᖅᑲᕐᑎᑦᑎᓂᐊᕐᓗᓂ ᐃᖅᑲᓇᐃᔮᒥᑦ

ᐱᔪᓐᓇᖅᑐᑦ

ᐊᒥᓱᓂᑦ ᐲᖅᑎᑦᓯᓂ

ᐃᖅᑲᓇᐃᔭᕐᕕ ᐃᓱᒪᓕᐅᕈᑎᒥᓂᑦ ᑲᔪᓯᑎᑦᓯᓗᓂ ᐲᖅᑎᑦᓯᓂᕐᒥᑦ ᐃᖅᑲᓇᐃᔮᓕᖕᓂᑦ ᐊᕙᑎᓂᑦ ᖁᓕᓗ ᐃᖅᑲᓇᐃᔭᕐᑎᐅᔪᓂᑦ ᐊᒥᓲᓂᖅᓴᓂᓪᓘᓐᓃᑦ ᐊᑕᐅᑦᓯᒃᑯᑦ, ᐱᓇᓱᐊᕈᓰᑦ ᓯᑕᒪᑦ ᐅᓪᓗᖏᓐᓂᑦ, ᐃᖅᑲᓇᐃᔭᕐᕕ ᖃᐅᔨᒃᑲᐃᓯᒪᒋᐊᓕ ᓯᕗᓂᐊᒍ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ, ᖃᐅᔨᒃᑲᐃᑎᑦᑎᓂ ᐊᔾᔨᒌᖏᓐᓂᖃᕐᒥᔪᑦ, ᑭᒃᑯᑦ ᐊᑐᖅᑕᐅᓯᒪᔪᑦ ᐃᖅᑲᓇᐃᔭᖅᑏᑦ ᐊᒥᓲᓂᖏᓪᓗ ᐃᓱᒪᓕᐅᕈᑖᓂ ᐃᖅᑲᓇᐃᔭᕐᕕᐅᑉ.

ᓈᓚᑦᑕᐅᒋᐊᓖᑦ ᓄᖅᑲᕐᑎᑦᑎᓂᐊᕐᓗᓂ ᐃᖅᑲᓇᐃᔮᒥᑦ

ᐲᖅᑎᑦᓯᓂ ᐱᔾᔪᑎᖃᕋᓂ

ᐃᖃᓇᐃᔭᕐᕕ ᐲᖅᑎᑦᓯᒍᓂ ᐃᖅᑲᓇᐃᔭᕐᑎᒥᑦ “ᐱᔾᔪᑎᖃᕐᓇᓂ” ᑐᑭᓯᑎᑦᓯᒋᐊᓕ ᐱᔾᔪᑎᒋᔭᕐᒥᓂᑦ ᓱᒻᒪᑦ ᑕᐃᒪᐃᑦᑕᕐᒪᖔᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ ᐅᓇ ᐃᖅᑲᓇᐃᔭᕐᑎ ᓈᒻᒪᓴᖏᓐᓂᕐᒥᓄᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐅᓐᓂᕐᓘᑎᖃᕈᓂ ᐃᖅᑲᓇᐃᔭᕐᕕᐅᑉ ᐱᓂᐊᕐᓂᖓᓂᑦ.

ᐃᓚᒋᔭᐅᖏᑦᑐᑦ ᓈᓚᑦᑕᐅᔭᕆᐊᓕᖕᓄᑦ ᐲᖅᑎᑦᓯᓂᕐᒥᑦ ᐃᖅᑲᓇᐃᔮᒥᑦ

ᐃᖅᑲᓇᐃᔭᕐᑏᑦ ᕿᔪᓕᕆᔨᐅᒍᑎ/ᐃᓪᓗᓕᐅᖅᑎᐅᖃᑕᐅᔪᑦ
ᐃᖅᑲᓇᐃᔭᕐᑏᑦ ᐅᓪᓗᐃᑦ 180 ᐊᑖᓂᑦ ᐃᖅᑲᓇᐃᔭᕐᐸᑦᑐᑦ ᐊᕐᕌᒍᖅ ᑕᒫᑦ ᐱᓇᓱᐊᕈᓯᐅᑉ ᓄᙳᐃᓐᓇᖓᓂᓪᓘᓐᓃᑦ, ᓇᒻᒥᓂᖁᑎᖃᕈᓂ, ᐃᖅᑲᓇᐃᔭᕐᓗᓂ, ᐊᑭᓖᖃᑕᐅᑦᑑᒃ, ᐃᖅᑲᓇᐃᔮᓪᓚᕆᖕᒥᑦ; ᐃᑲᕐᕋᐃᑦ 25 ᖄᖏᐅᑎᙱᓪᓗᑎᑦ ᐱᓇᓱᐊᕈᓯᕐᒥᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

ᐃᑲᕐᕋᓕᐊᖑᕙᑦᑐᑦ ᐊᒻᒪᓗ ᖄᖏᐅᑎᓯᒪᓂᖏᑦ: ᑕᑭᐅᓯᐅᒪᒋᐊᕈᑏᑦ

ᐃᑲᕐᕋᓕᐊᖑᕙᑦᑐᑦ

ᐊᓯᔾᔨᓚᐅᖅᓯᒪᙱᑦᑐᖅ (ᑕᐃᒫᑦᓴᐃᓐᓇᐅᔪᖅ) ᐅᓪᓗ ᐊᑕᐅᓯᖅ ᐃᑲᕐᕋᐃᑦ ᓯᑕᒪᐅᔪᖅᑐᑦ ᐊᒻᒪᓗ ᐱᓇᓱᐊᕈᓕᒫᑦ ᐃᑲᕐᕋᐃᑦ ᒪᕐᕉᒃ ᐊᕙᑏᑦ (40). (ᓯᕗᓪᓕᖅ-S.4 ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖅ).

ᖄᖏᐅᑎᓯᒪᔪᑦ ᐃᑲᕐᕋᖏᓐᓂᑦ - ᖃᖓᑐᐃᓐᓇᖅ ᐃᖅᑲᓇᐃᔭᕐᑎ ᖄᖏᐅᑎᓯᒪᑉᐸᑦ ᐃᑲᕐᕋᖏᓐᓂᑦ ᐃᖅᑲᓇᐃᔭᕐᕕᒋᔭᖕᓂ, ᐅᑯᐊ ᐃᓚᒋᐊᖅᓯᒪᔪᑦ ᐃᑲᕐᕋᐃᑦ ᐊᑭᓕᖅᓱᖅᑕᐅᒃᑲᓐᓂᕈᑎᒋᕙᐃᒃ ᖄᖓᒍᒃᑲᓐᓂ. ᐃᖅᑲᓇᐃᔭᕐᕕ ᐊᑭᓕᖅᓱᐃᒋᐊᖃᓕᕆᓪᓗᓂ ᐃᓚᓕᐅᑎᓯᒪᔪᒥᑦ ᑮᓇᐃᔾᔭᓵᖏᑕ ᖄᖓᒍᒃᑲᓐᓂ 1.5 ᑮᓇᐅᔾᔭᓴᐅᑎᖓᑕ ᐃᖅᑲᓇᐃᔭᕐᑎᐅᑉ ᐃᑲᕐᕋᖅ ᑕᒫᑦ ᑮᓇᐅᔾᔭᓴᕐᓂᖓ ᒪᓕᓪᓗᒍ. (ᐃᓚᖓ ᓯᕗᓪᓕᖅ -S.11 (1) ᓄᓇᕗᒻᒥᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖅ).

ᐅᕙᓂ ᓯᕗᓪᓕᖅ

ᐃᖅᑲᓇᐃᔭᖅᑕᐅᓂᖏᑦ ᐅᓪᓗᐃᑦ

	ᓈᑦᓯᐅᖑᔭ	ᓇᒡᒐᔾᔭᐅ	ᐊᐃᑉᐱᖅ	ᐱᖓᑦᓯ	ᓯᑕᒻᒥ	ᑕᓪᓕᒻᒥ	ᓈᑦᓯᐅᖑᔭᓛᕐᓂᐊᖅ
ᐱᓇᓱᐊᕈᓯᓕᒫᖅ ᐃᑲᕐᕋᐃᑦ	10	10	10	10	10	10	10
ᐃᑲᕐᕋᕆᔭᐅᕙᑦᑐᑦ	8	8	8	8	8
ᖄᖓᒍᒃᑲᓐᓂ ᐃᑲᕐᕋᓕᐊᑦ	2	2	2	2	2	10	10

ᐃᑲᕐᕋᕆᔭᐅᕙᑦᑐᑦ ᐅᓪᓗᒻᒥ ᑎᓴᒪᐅᔪᖅᑑᒻᒪᑎ ᐅᕙᓂ ᑕᑯᒐᑦᓴᒥ ᓯᕗᓪᓕᖅ ᖄᖏᐅᑎᓯᒪᔪᑦ ᐊᒻᒪᓗ ᐊᑭᓖᕈᑕᐅᒍᑎᒋᕙᑦᑕᖏᑦ ᓯᕗᓪᓕᐅᓗᑎ ᐅᕙᓂ ᐃᑲᕐᕋᐃᑦ 40ᖏᓐᓂᑦ, ᖄᖏᐅᑎᓯᒪᓂᖏᑦ ᐃᖅᑲᓇᐃᔭᖅᑕᖏᑦ ᐊᑭᓕᖅᓱᖅᑕᐅᒍᑎᒋᕙᐃᑦ ᖄᖓᒍᒃᑲᓐᓂ.

ᐅᕙᓂ ᐊᐃᑉᐹ

ᐃᖅᑲᓇᐃᔭᖅᑕᐅᓂᖏᑦ ᐅᓪᓗᐃᑦ

	ᓈᑦᓯᐅᖑᔭ	ᓇᒡᒐᔾᔭᐅ	ᐊᐃᑉᐱᖅ	ᐱᖓᑦᓯ	ᓯᑕᒻᒥ	ᑕᓪᓕᒻᒥ	ᓈᑦᓯᐅᖑᔭᓛᕐᓂᐊᖅ
ᐱᓇᓱᐊᕈᓯᓕᒫᖅ ᐃᑲᕐᕋᐃᑦ	10	11	6	8	6	6	10
ᐃᑲᕐᕋᕆᔭᐅᕙᑦᑐᑦ	8	8	6	8	6	4	0
ᐊᓯᖏᑦ	2	3	0	0	0	2	10

ᐆᒪᐅᑉ ᖄᖓᓐᓂᑦ ᑕᑯᒍᕕᒋᑦ ᐊᐃᑉᐹᓂ, ᐃᓄ ᐃᖅᑲᓇᐃᔭᕈᓂ ᐃᑲᕐᕋᓂ 57, (40ᐅᓗᑎ ᐃᑲᕐᕋᒋᕙᑦᑕᖏᑦ ᐊᒻᒪᓗ ᖄᖓᒍᒃᑲᓐᓂ 17ᖑᓪᓗᑎ). (ᓯᑕᒻᒥᕐᒥ ᓄᖅᑲᖓᓕᕈᓂ, ᐃᖅᑲᐃᔭᕐᑎ ᐊᐃᑉᐹᓂ ᐃᖅᑲᓇᐃᔭᕐᑐᒥᓂᐅᒐᒥ ᐃᑲᕐᕋᐃᑦ 36 (ᑕᐃᒪᐃᓲᖑᒐᒥ) ᐃᑲᕐᕋᖏ. ᑕᐃᒪᐃᒻᒪᓐ ᐅᕙᓂ ᓯᑕᒪᓄᑦ ᐃᖅᑲᓇᐃᔭᕈᑎᒥᓂᑦ ᐃᑲᕐᕋᐃᑦ ᐃᓕᔭᐅᕙᑉᐳᑦ ᐃᑲᕐᕋᒋᕙᑕᖏᓐᓄᑦ ᐊᒥᐊᒃᑯᖏᑦ ᐃᑲᕐᕋᐃᑦ ᖄᖏᐅᑎᓯᔪᒥᓂᕐᒧᑦ ᐃᓚᔭᐅᓗᑎᑦ.

ᓇᐃᓈᕐᓗᒍ: ᖃᖓᑐᐃᓐᓇᖅ ᐃᖅᑲᓇᐃᔭᕐᕕ ᐃᖅᑲᓇᐃᔭᕐᑎᓪᓘᓐᓃᑦ ᖁᔭᓈᖅᓯᒍᓐᓇᖏᓚᖅ ᐲᖅᓯᑎᑦᓯᓗᓂᓪᓘᓐᓃᑦ ᐊᖅᑭᖅᑕᐅᓯᒪᔪᒥᑦ ᓈᒻᒪᑐᐃᓐᓇᖅᑐᒨᖓᔪᑦ ᐊᖅᑭᖅᑕᐅᓯᒪᔪᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᓐᓄᑦ. ᐃᖅᑲᓇᐃᔭᕐᕕᐅᑉ ᐃᖅᑲᓇᐃᔭᕐᑎᐅᓪᓗ ᐊᖏᖃᑎᒌᓪᓗᑎᒃ ᐃᒫᑦ ᐱᓂᐊᕐᓂᕐᒥᑦ ᐃᑲᕐᕋᐃᑦ ᖄᖓᒍᒃᑲᓐᓂᖅ ᐊᑭᓕᖅᓱᖅᑕᐅᔾᔮᖏᒋᐊᖏᓐᓂ ᐃᓕᓴᕆᔭᐅᖏᓚᑦ ᑕᐃᒪᐃᒍᓐᓇᕐᓂᖏᑦ ᐊᒻᒪᓗ ᐅᓇ ᐃᓕᖅᑯᓯᕆᔭᐅᓂᖓ ᓯᖅᑯᒻᒥᖅᓯᔪᖅ ᐅᕙᓂ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓂᑦ.

ᓈᒻᒪᑐᐃᓐᓇᖅᑐᓅᖓᔪᑦ ᓇᓗᓇᐃᖅᑕᐅᓯᒪᓂᖏᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᑎᒎᓇ ᐊᒻᒪᓗ ᐱᖁᔭᕋᓛᖓᑎᒍᑦ ᒪᑯᐊᓗ ᒪᓕᑦᑕᐅᑦᓴᐃᓐᓇᖁᔭᐅᓗᑎᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ, ᐱᓕᕆᐊᒋᔭᕐᒥᓂᑦ ᒪᓕᑦᑕᐅᑦᓯᐊᕐᒪᖔᑎᑦ ᖃᐅᔨᓴᖅᐹᒻᒪᑦ ᐱᖁᔭᐃᑦ ᓈᓚᑦᑐᓂᒋ.

8. ᐱᔪᓐᓇᐅᑏᑦ/ᐱᔪᓐᓇᕐᓂᖃᕐᓃᓪᓗ

ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓂᑦ ᐱᖁᔭᕋᓛᖏᓐᓂᓪᓗ ᓈᒻᒪᑐᐃᓐᓇᖅᑐᓂᑦ ᐊᑐᖅᑕᐅᔭᕆᐊᓕᖕᓂᑦ ᐃᖅᑲᓇᐃᔭᕐᕕᓐᓂᑦ ᐊᖅᑭᐅᒪᑎᑦᑎᒻᒪᑕ. ᖃᐅᔨᒪᒋᐊᕐᓗᑕ ᐃᓘᓐᓇᓕᒫᑎᑦ ᐊᔾᔨᒌᓐᓂᐊᕐᓂᖏᓐᓂᑦ ᑕᐃᒫᓪᓗ ᐊᖅᑭᐅᒪᔪᓐᓇᐅᓗᑎ ᐱᔪᓐᓇᖏᒻᒪᑕ ᐊᓯᔾᔩᒍᓐᓇᕐᓂᐅᔪᓂᑦ ᑐᓂᓯᓗᑎᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ ᐊᖏᖅᑕᐅᓯᒪᒍᑎ ᐊᓯᐊᒎᒍᓐᓇᕐᓂᕐᒥᑦ ᑎᑎᖅᑲᖅᑖᓚᐅᕐᓗᑎᓪᓗ ᐃᖅᑲᓇᐃᔭᕐᕖᑦ ᑕᐃᒪᐃᒍᓐᓇᖅᑐᑦ.

ᐅᑯᐊ ᑕᐃᒪ ᐱᔪᓐᓇᐅᑎᖅᑖᕐᑎᑕᐅᓯᒪᒍᓐᓇᖅᑐᑦ ᐊᒻᒪᓗ ᐊᖏᖅᑕᐅᔪᓐᓇᕐᓂᖃᕐᓗᑎ ᑕᐃᒪᐃᒍᓐᓇᕐᓂᖏᓐᓂᑦ ᐅᕙᓂ:

ᖄᖏᐅᑎᓯᒪᒍᓐᓇᓂᕐᒧᑦ ᐃᑲᕐᕋᐅᔪᑦ ᐱᔪᓐᓇᐅᑎᐱᔪᓐᓇᕐᓂᖃᑦᑎᑦᓯᓲᖑᒻᒪᑦ ᐃᖅᑲᓇᐃᔭᕐᕕᓐᓂ ᐃᖅᑲᓇᐃᔭᕐᑎᓐᓂᓪᓘᓐᓃᑦ ᖄᖏᐅᑎᓯᒪᒍᓐᓇᕐᓂᐅᔪᒥᑦ ᐃᑲᕐᕋᖏᑕ.
ᑕᐃᒫᑎᒋ ᐃᑲᕐᕋᖃᓲᖑᓂᑦ ᐱᔪᓐᓇᐅᑎ- ᐃᖅᑲᓇᐃᔭᕐᕕᓐᓂ ᑕᐃᒫᑎᒋ ᐃᑲᕐᕋᖃᓲᖑᓗᑎ ᐃᖅᑲᓇᐃᔭᕐᑏᑦ ᐊᑕᐅᑦᓯᒃᑰᖅᑐᐃᓪᓘᓐᓃᑦ ᐃᖅᑲᓇᐃᔭᕐᑏᑦ ᐅᕙᓂ ᐱᓇᓱᐊᕈᓯᓕᒫᒥᑦ ᒪᕐᕉᓪᓘᓐᓃᑦ ᐃᖅᑲᓇᐃᔭᕈᓂ ᖄᖏᐅᑎᓯᒪᑦᑕᐃᓕᒪᓂᕐᒧᑦ ᑮᓇᐅᔾᔭᓵᖏᓐᓂᑦ ᐃᓕᖅᑯᓯᓕᐅᕐᑕᐅᓯᒪᒍᓐᓇᕐᒥᒻᒪᑕ ᐃᖅᑲᓇᐃᔭᕐᓂᖏᑦ ᖄᖏᐅᑎᓯᒪᒐᓗᐊᖅᑎᓪᓗᒋᑦ ᓯᒃᑭᑖᖏᑦ ᑕᐃᒪᐃᑐᐃᓐᓇᕐᓗᑎ.
ᓂᕆᒋᐊᖅᑐᒍᓐᓇᕐᓂ- ᐃᖅᑲᓇᐃᔭᕐᕕ ᑐᑦᓯᕋᐅᑎᒥᑦ ᐱᔪᒪᔪᓐᓇᖅᑐᖅ ᐃᓚᒋᔭᐅᑦᑕᐃᓕᔾᔪᑎᐅᔪᒥᑦ ᓂᕆᒋᐊᖅᑐᖃᑦᑕᕐᓂᐅᑉ ᒪᓕᕋᒐᓛᖓᑎᒍ ᐊᓪᓚᑦᑕᐅᓯᒪᔪᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᓐᓂᑦ.
ᐃᓘᓐᓇᐃᓄᑦ ᕿᑲᕐᕕ - ᐃᖅᑲᓇᐃᔭᕐᕕ ᑐᑦᓯᕋᒍᓐᓇᖅᑐᖅ ᕿᑲᕐᕕᐅᕙᑦᑐᑦ ᐊᓯᐊᓄᑦ ᕿᑲᕐᕕᖃᒍᓐᓇᕐᓂᕐᒥᑦ.

ᐱᔪᓐᓇᐅᑏᑦ/ᐱᔪᓐᓇᕐᓂᖃᕐᓃᓪᓗ

ᐃᖅᑲᓇᐃᔭᕐᑎᑦᑎᓂ ᐃᓅᓱᑦᑐᓂᑦ - ᐅᑯᐊ ᕿᔪᓕᕆᓂᕐᒨᖓᔪᑦ/ᐃᓪᓗᓕᐅᖅᑎᓐᓅᖓᔪᑦ, ᐃᖅᑲᓇᐃᔭᕐᕕ ᑐᓂᓯᒋᐊᓕ ᑐᑦᓯᕋᐅᑎᕐᒥᑦ ᓇᓗᓇᐃᖅᓯᔪᒥᑦ ᐃᓅᓱᑦᑐᒥᑦ ᐃᖅᑲᓇᐃᔭᕐᑎᖅᑖᒍᒪᓂᕐᒥᓂᑦ ᕿᔪᓕᕆᓂᕐᒥᑦ/ᐃᓪᓗᓕᕆᓂᕐᒥᑦ. ᐃᓅᓱᑦᑐ ᑕᐃᒪ ᐅᑭᐅᖏᑦ ᓇᓗᓇᐃᕐᓗᒍ 17ᖑᒐᔭᖅᑯ.
ᐃᓕᓐᓂᐊᕈᑎᐅᓗᓂ ᐃᖅᑲᓇᐃᔭᖅᑎᑕᐅᓂᖅ, “ᐃᖅᑲᓇᐃᔭᕐᑎ” ᐃᒫ ᐃᓕᓐᓂᐊᖅᑎ ᐃᖅᑲᓇᐃᔭᕐᑎᑕᐅᖃᑦᑕᕐᑐᖅ ᐅᑯᓄᖓ ᐊᑐᐊᓂᖃᕐᓗᓂ ᑖᑦᓱᒪ ᐃᓕᓐᓂᐊᖅᑕᖏᓐᓄᑦ.
ᐃᓕᓐᓂᐊᕐᕕ (ᐃᓕᓐᓂᐊᕐᕕ ᓯᓚᑦᑐᓴᕐᕖᓪᓘᓐᓃᑦ) ᐃᓕᓐᓂᐊᕐᑎᕐᒥᑦ ᐃᖅᑲᓇᐃᔭᕐᕕᒻᒧᑦ ᖃᖓᑐᐃᓐᓇᖅ ᑐᑦᓯᕋᐅᑎᕐᒥᑦ ᑕᑕᑎᑦᓯᒋᐊᓕ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑦ ᐱᓕᕆᔨᖓᓐᓄᑦ. ᐅᓇᓗ ᑐᑦᓯᕋᐅᑎ ᕿᒥᕐᕈᔭᐅᓚᐅᕐᓗᓂ ᐱᓕᕆᔨᖕᒧᑦ, ᐊᖏᖅᑕᐅᒍᓂ, ᐃᓕᓐᓂᐊᖅᑎᑕᐅᓂᕐᒧᑦ ᐃᖅᑲᓇᐃᔭᕈᓐᓇᐅᑎᒥᑦ ᐱᔪᓐᓇᐅᑎᖅᑖᕐᑎᑕᐅᒐᔭᕐᑐᖅ ᐅᕙᓂᓗ ᓇᓗᓇᐃᖅᓯᓯᒪᓗᑎᑦ ᑮᓇᐅᔾᔭᓴᐅᑎᒃᓴᐃᑦ ᒥᑦᓵᓅᖓᔪᑦ, ᑕᐃᒪᐃᑦᑐᖃᕐᐸᑦ, ᐃᖅᑲᓇᐃᔭᕐᑎᒻᒧᑦ ᑮᓇᐃᔾᔭᓴᐅᑏᑦ ᐱᔪᓐᓇᐅᑎ ᒪᓕᓪᓗᒍ.

ᒪᓕᑦᑕᐅᔭᕆᐊᓖᑦ/ᐊᐅᓚᓂᖏᓪᓗ

ᖃᖓᑐᐃᓐᓇᖅ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᑦ ᖁᔭᓈᖅᓯᔪᓐᓇᕐᑐᖅ ᐱᔪᓐᓇᐅᑎᒥᑦ. ᑕᐃᒪᐃᒋᐊᖃᕐᓂᕈᓂ ᐃᖅᑲᓇᐃᔭᕐᕕᑦ ᖃᐅᔨᒃᑲᖅᑕᐅᒐᔭᕐᑐᖅ ᑎᑎᖅᑲᖅᑎᒍᑦ.
ᐃᖅᑲᓇᐃᔭᕐᑰᓪᓗ ᑐᓂᓯᓗᑎᑦ ᐱᔪᓐᓇᐅᑎᒥᑦ ᖁᔭᓈᖅᓯᒍᒪᓂᕐᒥᓂᑦ ᑐᑦᓯᕋᒍᓐᓇᖅᑐᑦ. ᖃᐅᔨᓴᕐᓂᖅᑕᖃᓚᐅᕐᓗᓂ ᐃᓱᒪᓕᐊᖑᓯᒪᔪᒥᑦ ᓇᓗᓇᐃᖅᓯᓗᑎᑦ ᐅᓇ ᐱᔪᓐᓇᐅᑎ ᐲᖅᑎᑕᐅᖕᒪᖔᑦ ᑐᑭᓯᐅᒪᑎᑕᐅᒐᔭᕐᐳᑦ.
ᐅᑯᐊᓗ ᐱᔪᓐᓇᐅᑏᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ ᑲᔪᓯᑎᑕᐅᓲᖑᕗᑦ ᐊᕐᕌᒍᓕᒫᒧᑦ. ᐃᓚᖓᒍᑦ ᐊᓯᐊᒎᕐᕕᑦᓴᖃᒐᓗᐊᖅᓱᑎ ᐱᔪᓐᓇᐅᑎ ᖃᓄᐃᑦᑑᓂᖓᓂᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

9. ᐊᕐᕌᒍᖅ ᑕᒫᑦ ᕿᑲᒍᓐᓇᕐᓂᖅ ᐊᒻᒪᓗ ᕿᑲᒍᓐᓇᐅᓯᐊᑦ

ᐃᖅᑲᓇᐃᔭᕐᑎᐅᒍᓂ ᐊᕐᕌᒍᖅ ᑕᒫᑦ ᕿᑲᒍᓐᓇᕐᓂᖃᕐᒪᑦ ᕿᑲᒍᓐᓇᐅᓯᐊᕐᑖᒍᓐᓇᖅᓱᓂᓗ.
ᐊᑯᓂᐅᑎᒋᓂᖓ ᐃᖅᑲᓇᐃᔭᕐᑎᐅᑉ ᐃᖅᑲᓇᐃᔮᒥᓂᑦ ᐃᖅᑲᓇᐃᔭᕐᕕᐊᑕ ᐱᓕᐅᓯᐊᖅᑎᑉᐸᑦᑕᖓ ᕿᑲᒍᓐᓇᐅᓯᐊᕐᒥᓂᑦ ᖃᓄᑎᒋ ᐱᓂᐊᕐᒪᖔᕐᒥᑦ.
ᕿᑲᒍᓐᓇᐅᓯᐊᑦ ᐊᑭᓕᖅᓱᖅᑕᐅᓂᖏᑦ ᓇᓗᓇᐃᖅᑕᐅᓯᒪᕙᒻᒪᑕ ᐅᕙᙵᑦ ᑮᓇᐅᔾᔭᓯᐊᖏᑕ ᐃᓚᖓᓐᓂᑦ ᐃᓚᓕᐅᑎᑦᓴᔭᐅᑎᑕᐅᓗᓂ 4%ᒥᑦ ᐃᓚᖓᒍᓪᓗ 6%ᒧᑦ. ᐅᓇᓗ ᐊᖅᑭᐅᒪᒍᑕᐅᕙᒻᒥᔪᖅ ᑕᒪᑦᓱᒧᖓ ᖃᓄᑎᒋ ᐃᖅᑲᓇᐃᔮᖃᕐᓂᖓᓐᓂᑦ ᐃᖅᑲᓇᐃᔭᕐᑎ.

ᐊᕐᕌᒍᖅ ᑕᒫᑦ ᕿᑲᖃᑦᑕᕐᓂ

ᐃᖅᑲᓇᐃᔭᕐᑎ ᑖᒃᑯᓇᙵᑦᓴᐃᓐᓇᖅ ᐃᖅᑲᓇᐃᔭᕐᑎᒋᔭᐅᑎᓪᓗᒍ ᐊᕐᕋᒍᓕᒫᖅ ᐊᒻᒪᓗ ᓱᓕ ᐊᕐᕌᒍ ᑕᓪᓕᒪᒃᑲᓐᓂᕐᓄᑦ, ᐊᖑᑦ/ᐊᕐᓇᖅ ᐱᔪᓐᓇᕐᓂᖃᖅᑐᖅ ᕿᑲᖃᑕᕐᑎᑕᐅᓗᓂ ᐊᕐᕋᒍᒥ ᐱᓇᓱᐊᕈᓰᓐᓄᑦ ᒪᕐᕉᓐᓄᒃ. ᐅᑯᐊ ᐊᕐᕋᒍᐃᑦ ᐃᖅᑲᓇᐃᔭᕐᓂᖏᑦ ᓯᕗᓪᓕᐅᓗᑎ ᐊᕐᕌᒍᐃᑦ ᑕᓪᓕᒪᑦ ᐃᓗᐊᓂ ᐃᖅᑲᓇᐃᔭᖃᑦᑕᕐᓂᖏᑕ, ᐃᖅᑲᓇᐃᔭᕐᑎ ᐱᔪᓐᓇᕐᓂᖃᕐᑎᑕᐅᕗᖅ ᕿᑲᔾᔪᓯᐊᖅᐸᓪᓗᓂ ᕿᑲᖅᑎᑕᐅᓗᓂᓗ ᐱᓇᓱᐊᕈᓰᑦ ᐱᖓᓱᓄᑦ.

ᕿᑲᔾᔪᓯᐊᑦ

ᐅᓪᓘᑉ ᐊᑕᐅᓯᐅᑉ ᓯᕗᓂᐊᒍ ᕿᑲᒋᐊᓚᖓᒍᓂ ᐃᖅᑲᓇᐃᔭᕐᑎ ᕿᑲᕐᕕᒃᓴᖓ ᓈᒻᒪᓯᑉᐸᑦ, ᕿᑲᔾᔪᓯᐊᖅᑖᑎᑕᐅᔭᕆᐊᓕ ᐃᖅᑲᓇᐃᔭᕐᑎ ᑕᐃᒫᑦ ᐱᑎᑕᐅᔭᕆᐊᖃᕐᓂᖓᓂ ᐃᖅᑲᓇᐃᔭᕐᑎ ᕿᑲᔾᔪᓯᐊᕐᑖᕐᒥᓂᑦ.

ᐊᕐᕌᒍᖅ ᑕᒫᑦ ᕿᑲᖃᑦᑕᕐᓂ ᐊᒻᒪᓗ ᕿᑲᔾᔪᓯᐊᕐᑖᕐᐸᓐᓂᖅ

ᑐᑭᖏᑦ ᕿᑲᔾᔪᓯᐊᕐᑖᖃᑦᑕᕐᓂᐅᑉ

ᕿᑲᒍᓐᓇᐅᓯᐊᑦ ᐊᑭᓕᖅᓱᖅᑕᐅᓂᖏᑦ ᓇᓗᓇᐃᖅᑕᐅᓯᒪᕙᒻᒪᑕ ᐅᕙᙵᑦ ᑮᓇᐅᔾᔭᓯᐊᖏᑕ ᐃᓚᖓᓐᓂᑦ ᐃᓚᓕᐅᑎᑦᓴᔭᐅᑎᑕᐅᓗᓂ 4%ᒥᑦ ᐊᕐᕌᒍᐃᑦ ᑕᓪᓕᒪᑦ ᓯᕗᓂᐊᒍ ᐃᓚᖓᒍᓪᓗ 6%ᒧᑦ ᑮᓇᐃᔾᔭᓴᕐᓂᖓ ᒪᓕᓪᓗᒍ ᐊᕐᕌᒍᐃᑦ ᐱᖓᓲᔪᕐᑐᑦ ᑭᖑᓂᐊᒍ ᐃᖅᑲᓇᐃᔭᖅᑎᒋᔭᐅᑎᓪᓗᒍ ᑖᒃᑯᓇᙵᑦᓴᐃᓐᓇᖅ.

ᕿᑲᔾᔪᓯᐊᑦ ᐊᒻᒪᓗ ᐲᖅᑎᑕᐅᓂ ᐃᖅᑲᓇᐃᔮᕐᒥᓂ

ᐃᖅᑲᓇᐃᔭᕐᑎ ᓄᖅᑲᑐᐃᓐᓇᕐᓂᑰᑉᐸᑦ ᐃᖅᑲᓇᐃᔮᕐᒥᓂᑦ, ᓄᖅᑲᒋᐊᖃᕐᑎᑕᐅᒍᓐᓂᓘᓐᓃᑦ ᐲᖅᑎᑕᐅᒍᓂᓪᓘᓐᓃᑦ, ᐅᓇ ᐱᔪᓐᓇᕐᓂᖃᕐᒪᑦ, ᖃᖓᑐᐃᓐᓇᖅ, ᕿᑲᔾᔪᓯᐊᖏᑦ ᓄᐊᓵᖑᓯᒪᒍᑎ ᐊᑭᓕᖅᑕᐅᒍᑎᒋᓚᐅᖏᑉᐸᒋᑦ ᓱᓕ ᓯᒃᑭᑖᕆᔪᓐᓇᖅᑕᖏᑦ.

ᐃᓄᓕᒫᑦ ᐃᖅᑲᓇᐃᔭᖅᑎᒋᔭᐅᔪᑦ ᕿᑲᔾᔪᓯᐊᖅᑖᕐᑎᑕᐅᔭᕆᐊᓕᑦ, ᖃᓄᑎᒋᐅᓂᖓ ᐃᖅᑯᓕᖅᑕᐅᖏᓪᓗᓂ ᐃᖅᑲᓇᐃᔭᖃᑦᑕᕐᒐᑦ ᐃᖅᑲᓇᐃᔭᕐᕕᒋᔭᖓᓐᓂᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

10. ᕿᑲᕐᓇᐅᓂᖏᑦ

ᕿᑲᕐᓇᐅᓂᖃᕐᒪᑦ ᐅᓪᓗᐃᑦ ᒐᕙᒪᒃᑯᓐᓄᑦ ᐅᓪᓗᓕᐅᖅᑕᐅᓯᒪᓂᖏᑦ ᐊᑲᐅᓈᕐᓗᓂ. ᐃᓚᖏᑦ ᐃᓘᓐᓇᐃᓄᑦ ᓄᓇᑦᑎᓐᓂ ᑲᓇᑕᒥᐅᓄᑦ ᐱᒻᒪᕆᐅᑎᑕᐅᓪᓗᑎ ᐊᓯᖏᓪᓗ ᕿᑲᕐᓇᐃᑦ ᓄᓇᖅᑲᑎᒌᓄᑦ ᐊᑑᑎᖃᖅᑎᑕᐅᓗᑎᑦ. ᐃᓚᖏᑦ ᕿᑲᕐᓇᐃᑦ ᐃᓕᑕᖅᓯᓯᒪᓂᕐᒨᖓᖕᒪᑕ, ᐊᓯᖏᑦ ᐅᑉᐱᒋᔭᐅᓂᕐᒨᖓᒋᓪᓗᑎᑦ.

ᐅᕙᓂ ᓇᓗᓇᐃᖅᑕᐅᓯᒪᓂᒃᑯᑦ ᐅᓪᓗᓕᐅᖅᑕᐅᓯᒪᔪᑦ ᕿᑲᕐᓇᐃᑦ, ᐃᖅᑲᓇᐃᔭᕐᑏᑦ ᐃᓘᓐᓇᐃᓄᑦ ᐃᓚᒋᔭᐅᓂᖏᓐᓄᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓄᑦ ᐱᔪᓐᓇᕐᓂᖃᕐᒪᑕ ᕿᑲᒍᓐᓇᕐᓂᖃᒃᓱᑎᑦ ᐊᑭᓕᖅᑕᐅᓗᑎᓪᓗ.

ᐅᑯᐊ ᕿᑲᕐᕕᐅᕙᑦᑐᑦ ᐅᓪᓗᐃᑦ ᑎᑎᕋᖅᑕᐅᓯᒪᔪᑦ ᓇᓗᓇᐃᖅᑕᐅᓯᒪᓂᖏᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓄᑦ:

ᐊᕐᕋᒍᖅᑖᖃᐅᑦ
ᑐᖁᑕᐅᕕᐊ
ᑯᐃᓐ ᐊᓈᓇᖓᑕ ᓇᓪᓕᐅᓂᖅᓯᐅᕕᐊ
ᑲᓇᑕᐅᑉ ᓇᓪᓕᐅᓂᖅᓯᐅᕕᐊ
ᐊᒡᒍᓯᐅᑎᓪᓗᒍ ᓇᒡᒐᔾᔭᐅ ᓯᕗᓪᓕᖅ
ᐃᖅᑲᓇᐃᔭᕐᑎᓄᑦ ᕿᑲᕐᓇ
ᖁᔭᓕᓇᐅᑉ ᐅᓪᓗᖓ
ᐃᖅᑲᐅᒪᓇᐅᑉ ᐅᓪᓗᖓ
ᖁᕕᐊᓱᒡᕕᐅᑉ ᐅᓪᓗᖓ

ᕿᑲᕐᓇᐃᑦ

ᖃᓄᐃᒋᔭᐅᖏᓐᓂᒃᑯᑦ ᐃᓚᓕᐅᑎᖏᓐᓂᖏᑦ

ᐅᑯᐊ ᐅᕙᓂ ᐃᓚᓕᐅᑎᓯᒪᖏᒃᑲᓗᐊᖅᐸᑕ ᐃᖅᑲᓇᐃᔭᕐᕖᑦ ᑎᓕᔭᐅᓯᒪᓂᒃᑯᑦ ᖃᓄᐃᒋᔭᐅᖏᓐᓂᖃᕐᒪᑎ ᐊᑭᓖᖏᒃᑲᓗᐊᕈᑎᑦ ᕿᑲᕐᓇᐅᒐᓗᐊᖅᐸᑦ ᐊᓪᓚᑦᑕᐅᓯᒪᔪᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓄᑦ:

ᑭᓇ ᐃᖅᑲᓇᐃᔭᕐᑎ ᐃᖅᑲᓇᐃᔭᓕᕋᑖᕐᓂᖓᓐᓄᑦ ᐅᓪᓗᐃᑦ 30 ᐊᕐᕌᒎᑉ ᐃᓗᐊᓂ ᕿᑲᕐᓇᖅ ᐅᓪᓗᖅ ᑎᑭᓚᐅᖅᑎᓐᓇᒍ;
ᐃᖅᑲᓇᐃᔭᕐᑎ ᐃᖅᑲᓇᐃᔭᖁᔭᐅᓯᒪᑎᓪᓗᒍ ᐅᐸᙲᓐᓇᖅᑐᒥᓂᐅᒍᓂ ᕿᑲᓐᓇᐅᑉ ᑭᖑᓂᐊᒍ ᐅᐸᖁᔭᐅᓯᒪᑎᓪᓗᒍ ᐅᓪᓗᖓᓐᓂᑦ;
ᐊᖏᖅᑕᐅᓯᒪᖏᒃᑯᓂ ᐃᖅᑲᓇᐃᔭᕐᕕᒻᒥᓄᑦ ᐃᖅᑲᓇᐃᔭᕐᑎ, ᐃᖅᑲᓇᐃᔭᕆᐊᖐᓐᓇᖅᓯᒪᒍᓂ ᐃᖅᑲᓇᐃᔭᕐᕕᑦᓴᕐᒥᓂᑦ ᕿᑲᓐᓇᕈᓚᐅᖅᑎᓐᓇᒍ, ᕿᑲᓐᓇᐅᓚᐅᖅᑎᓪᓗᒍᓪᓘᓐᓃᑦ;
ᐃᖅᑲᓇᐃᔭᕐᑎ ᓇᔾᔨᓪᓗᓂ ᓄᖃᖓᑲᐃᓐᓇᕈᓂ ᐊᒻᒪᓗ ᕿᑐᕐᖓᓕᔭᕐᓂᕐᒥᓄᑦ ᓄᖃᖓᑲᐃᓐᓇᕈᓂ.

ᓇᐃᓈᒋᐊᒃᑲᓐᓂᕐᓗᒍ

ᑕᐃᒪᐃᒻᒪᑦ, ᐃᖅᑲᓇᐃᔭᕐᑎᒋᔭᐅᔪᖅ ᐃᖅᑲᓇᐃᔭᕆᐊᕐᓂᖏᒃᑯᓂ ᕿᑲᕐᓇᕐᒥᑦ, ᐃᖅᑲᓇᐃᔭᕐᑎ ᓱᓕ ᐊᑭᓕᖅᑕᐅᔭᕆᐊᖃᕋᔭᕐᑐ ᑕᐃᒫᑦᓴᐃᓐᓇᖅ ᐃᖅᑲᓇᐃᔭᕆᐊᒍᓂ ᑮᓇᐅᔾᔭᓴᐅᑎᒋᕙᑦᑕᖓᓂ. ᑕᐃᒪᓕ ᕿᑲᕐᓇᐃᑎᓪᓗᒍ ᐃᖅᑲᓇᐃᔭᕐᑎ ᐃᖅᑲᓇᐃᔭᕐᓂᕈᓂ, ᐃᖅᑲᓇᐃᔭᕐᑎ ᕿᑲᒃᑲᓐᓂᕈᓐᓇᖅᑐᑦ ᐅᓪᓗᒃᑲᓐᓂᕐᒥᑦ ᐊᑭᓕᖅᓱᖅᑕᐅᓗᓂ, ᑕᐃᒫᑦᓴᐃᓐᓇ ᑮᓇᐅᔾᔭᓵᕐᒥᓂᑦ ᐱᓗᑎ ᖄᖓᒍᒃᑲᓐᓂ ᖄᖏᐅᑎᓯᒪᓂᕐᒥᓄᑦ ᐃᑲᕐᕋᖏᓐᓂᑦ ᐃᓚᖃᕐᓗᑎ 1.5ᒥᑦ ᓯᒃᑭᑖᑎᑕᐅᔭᕆᐊᓕ ᐃᑲᕐᕋᐃᑦ ᐃᖅᑲᓇᐃᔭᕈᑎᒥᓂᖏᑦ ᒪᓕᓪᓗᒋᑦ ᕿᑲᕐᓇᐅᑎᓪᓗᒍ.

ᐅᓇ ᑐᑭᓕᐊᕈᑎᑐᐃᓐᓇᖅ

11. ᓇᔾᔨᔪᑦ/ᕿᑐᕐᙵᓕᕆᔪᓐᓇᕐᓂᖅ/ᐱᓯᒪᑦᑎᔨᐅᕙᑦᑐᑦ

ᐅᑲᐊ ᓇᓗᓇᐃᔭᕐᑕᐅᓯᒪᑦᓯᐊᖅᑐᑦ ᐃᖅᑲᓇᐃᔭᕐᑏᑦ ᐃᖅᑲᓇᐃᔮᕐᒥᓂᑦ ᓴᐳᒻᒥᔭᐅᓯᒪᓂᖏᓐᓂᑦ ᐱᔪᓐᓇᐅᑎᖏᑎᒍ ᑕᐃᒃᑯᐊ ᐃᓚᒋᔭᐅᔪᓐᓇᕐᓂᖏᑦ ᓇᔾᔨᔪᓄᑦ, ᕿᑐᕐᖓᓕᕆᒧᓐᓇᕐᓂᕐᒧᑦ ᐊᒻᒪᓗ ᐱᓯᒪᑦᓯᔨᐅᕙᑦᑐᑦ ᓄᖅᑲᖓᑲᐃᓐᓇᔪᓐᓇᖅᑐᑦ ᐊᖏᖅᑕᐅᓯᒪᓂᒃᑯᑦ.

ᐃᓚᒋᔭᐅᔪᓐᓇᖅᑐᑦ ᓄᖅᑲᖓᑲᐃᓐᓇᔪᓐᓇᕐᓂᕐᒧᑦ

ᓇᔾᔨᔪᓄᑦ- ᐃᖅᑲᓇᐃᔭᕐᑏᑦ ᐃᓚᒋᔭᐅᔪᓐᓇᕐᓂᖃᕐᑐᑦ ᐱᓇᓱᐊᕈᓰᑦ 17ᓄᑦ ᐊᑭᓕᖅᑕᐅᖏᓪᓗᑎᑦ ᓄᖅᑲᖓᑲᐃᓐᓇᔪᓐᓇᕐᓂᕐᒥᑦ, ᐱᒋᐊᕐᕕᖃᕐᓗᓂ ᐅᕙᓂ ᐱᓇᓱᐊᕈᓰᑦ 17 ᐱᒋᐊᕐᖓᕐᓂᖏᓐᓂᑦ ᐃᓐᓂᕕᒃᓴᖓᓂᓪᓘᓐᓃᑦ. ᐃᓐᓂᓐᓇᓵᖅᓯᒪᔪᒥᓂᐅᒍᓂ ᐃᓐᓂᕕᒃᓴᖓᑕ ᐅᓪᓗᖓᓐᓂᑦ ᖄᖏᐅᑎᓯᒪᑦᓯᓗᓂ, ᐃᖅᑲᓇᐃᔭᕐᕕ ᐱᔪᓐᓇᕐᓂᖃᕆᓪᓗᓂ ᑐᑦᓯᕌᖃᕈᓂ ᐃᖅᑲᓇᐃᔭᕐᑎᐅᔪᖅ, ᐊᑯᓂᐅᒃᑲᓐᓂᖁᔨᓂᐅᔪᒥ ᓄᖅᑲᖓᑲᐃᓐᓇᒍᑎᒻᒥᓂ ᐅᖓᕐᕙᒋᐊᖅᑕᐅᓗᓂ ᐅᑎᕐᕕᒃᓴᖓᑦ ᐱᓇᓱᐊᕈᓯᖕᓄᑦ ᐱᖓᓲᔪᕐᑐᓄᑦ. ᖃᐅᔨᒪᔭᐅᒋᐊᒃᑲᓐᓂᕆᐊᓕ ᐊᖏᖅᑕᐅᓯᒪᔪᑦ ᓄᖅᑲᖓᑲᐃᓐᓇᔪᓐᓇᕐᓂᕐᒥᑦ ᐱᕕᖃᖅᑎᑕᐅᓗᑎ ᐃᖅᑲᓇᐃᔭᕐᑏᑦ ᐃᓱᓕᑦᓯᔪᓐᓇᕐᓂᕐᒥᓂᑦ ᓄᖅᑲᖓᑲᐃᓐᓇᒍᓐᓇᖅᑐᑦ ᑐᑭᓯᐅᒪᑎᑦᑎᓂᕐᒥᑦ ᑐᓂᓯᓚᐅᖏᑎᓪᓗᒋᑦ ᐱᔾᔪᑎᖃᕐᓗᑎ ᐊᓐᓂᐊᕕᓕᐊᖃᑦᑕᕐᓂᖏᓐᓄᑦ ᓘᑦᑖᒧᓪᓗ ᓄᖅᑲᖓᑲᐃᓐᓇᖅᑎᑕᐅᓂᖏᓐᓄᑦ ᓇᔾᔨᐊᒋᔭᖓᓐᓅᖓᑉᐸᑦ.

ᕿᑐᕐᙵᓕᕆᔪᓐᓇᕐᓂᖅ - ᐃᖅᑲᓇᐃᔭᕐᑎ ᐱᔪᓐᓇᕐᓂᖃᕐᒪᑦ ᐱᓇᓱᐊᕈᓰᑦ 37ᓄᑦ ᐊᑕᐅᑦᓯᒃᑰᕐᓗᑎᑦ ᐊᑭᓕᖅᓱᕐᑕᐅᖏᓪᓗᓂ ᓄᖅᑲᖓᑲᐃᓐᓇᔪᓐᓇᕐᓂᖏᓐᓂᑦ, ᓄᖅᑲᖓᑲᐃᓐᓇᔪᓐᓇᕐᓂᐅᔪᖅ, ᕿᑐᕐᖓᕆᓪᓚᑦᑖᕆᒍᓂᐅ ᑎᒍᐊᕆᒍᓂᐅᓪᓗ, ᐱᒋᐊᕐᕕᖃᕐᓗᑎᑦ ᐃᓅᓕᕐᕕᐊᑕ ᕿᑐᕐᖓᕐᑖᕆᔭᐅᔫᑉ ᐊᖏᕐᕋᐅᔾᔭᐅᒍᑎᒋᔮᓂᓪᓘᓐᓃᑦ ᐃᖅᑲᓇᐃᔭᕐᑎᐅᑉ ᐃᓪᓗᖓᓐᓄᑦ, ᑕᐃᒪᐃᑉᐸᑦ, ᐃᓱᓕᒡᕕᒃᓴᖃᕐᓗᓂ ᐊᕐᕌᒍᓕᒫᒧᑦ ᐅᓪᓘᑉ ᐱᒋᐊᕐᖓᕐᕕᖓᓐᓄᑦ. ᑕᒪᒃᑮᒃ ᐊᖓᔪᖅᑳᕆᔭᐅᔪᑦ ᐱᔪᓐᓇᖅᑎᑕᐅᓲᑦ ᓄᖅᑲᖓᑲᐃᓐᓇᔪᓐᓇᕐᓂᒥᑦ ᕿᑐᕐᙵᓕᕆᔪᓐᓇᕐᓂᕐᒧᑦ.

ᐃᓚᒋᔭᐅᔪᓐᓇᐅᑏᑦ ᐱᔪᓐᓇᕐᓂᐅᔪᒧᑦ ᓄᖅᑲᖓᑲᐃᓐᓇᔪᓐᓇᕐᓂᕐᒥᑦ - ᐃᖅᑲᓇᐃᔭᕐᑎ ᑕᐃᒃᑯᓄᖓᑦᓴᐃᓐᓇᖅ ᐃᖅᑲᓇᐃᔭᕐᓯᒪᒋᐊᖃᕐᐳᖅ ᑕᖅᑮᑦ 12ᓄᑦ ᐊᑕᐅᑦᓯᒃᑯᑦ. ᐃᖅᑲᓇᐃᔭᕐᑏᑦ ᑐᑦᓯᕌᖃᕐᓯᒪᔭᕆᐊᓖ ᑎᑎᕋᖅᓯᒪᓗᑎᑦ ᐱᓇᓱᐊᕈᓰᑦ ᓯᑕᒪᑦ ᓯᕗᓂᐊᒍ ᓄᖅᑲᖓᑲᐃᓐᓇᕐᓂᖓ ᐱᒋᐊᓚᐅᖅᑎᓐᓇᒍ, ᐊᒻᒪᓗ ᓇᔾᔨᔪᖅ ᓄᖅᑲᖓᑲᐃᓐᓇᕐᓂᐊᕈᓂ, ᓘᑦᑖᕐᒥᑦ ᑎᑎᖅᑲᕐᑖᖅᓯᒪᒋᐊᓕ ᐊᑐᐃᓐᓇᐅᑎᑦᑎᓗᓂ ᐃᖅᑲᓇᐃᔭᕐᕕᒃ ᑐᑯᒍᒪᑐᐊᕈᓂ.

ᓇᔾᔨᔪᑦ/ᕿᑐᕐᙵᓕᕆᔪᓐᓇᕐᓂᖅ/ᐱᓯᒪᑦᑎᔨᐅᕙᑦᑐᑦ

ᐊᔾᔨᐅᖏᓐᓂᖃᕐᓂᐅᔪᑦ

ᐃᖅᑲᓇᐃᔭᕐᑎ ᕿᑐᕐᙵᓕᕆᔪᓐᓇᕐᓂᕐᒧᑦ ᓄᖅᑲᖓᑲᐃᓐᓇᔪᓇᕐᓗᓂ ᐊᒻᒪᓗ ᐃᓚᖃᕐᓗᓂ ᓇᔾᔨᔪᑦ ᓄᖅᑲᖓᑲᐃᓐᓇᔪᓐᓇᓪᓗᓂ, ᐃᖅᑲᓇᐃᔭᕐᑎ ᑕᐃᒫᒃ ᓱᓕ ᕿᑐᕐᖓᓕᕆᔪᓐᓇᕐᓂᕐᒧᑦ ᓄᖅᑲᖓᑲᐃᓐᓇᔪᓐᓇᕈᓂ ᐱᒋᐊᙵᕐᓂᖃᒋᐊᓕ ᐃᓱᓕᑉᐸᑦ ᓇᔾᔨᐊᒥᓄᑦ ᓄᖃᖓᑲᐃᓐᓇᕐᓂᕈᓂ, ᕿᑐᕐᖓᖅᑖᑐᐊᕈᓂᓪᓘᓐᓃᑦ ᐊᖏᕐᕋᐅᔾᔭᐅᓯᒪᓕᕈᓂᓪᓗ, ᐊᖏᖃᑎᒌᓯᒪᓕᕇᖏᑉᐸᑎᒃ ᐃᖅᑲᓇᐃᔭᕐᕕᖓ ᐃᖅᑲᓇᐃᔭᕐᑎᖓᓗ.
ᐃᖅᑲᓇᐃᔭᕐᑎ ᐱᔪᓐᓇᕐᓂᖃᕐᓗᓂ ᐃᓱᓕᔪᓐᓇᕐᓂᖃᕐᓗᓂ ᐱᓇᓱᐊᕈᓰᑦ 52ᖑᓗᑎ ᑲᑎᑦᑐᑦ ᓄᖅᑲᖓᑲᐃᓐᓇᔪᓐᓇᐅᑏᑦ ᓇᔾᔨᔪᓄᑦ ᕿᑐᕐᖓᓕᕆᔪᓐᓇᕐᓂᒧᓪᓘᓐᓃᑦ.

ᐱᓯᒪᑦᑎᔨᐅᕙᑦᑐᑦ ᓄᖅᑲᖓᑲᐃᓐᓇᔪᓇᕐᓂᖏᑦ - ᐃᖅᑲᓇᐃᔭᕐᑎᒋᔭᐅᔪᖅ ᐱᔪᓐᓇᕐᓂᖃᓲᖑᕗᖅ ᓄᖅᑲᖓᑲᐃᓐᓇᔪᓐᓇᕐᓂᕐᒥᑦ ᐃᖅᑲᓇᐃᔮᒥᓂᑦ ᐊᑯᓂᐅᑎᒋᔪᒥ ᐱᓇᓱᐊᕈᓰᑦ ᓯᑕᒪᐅᔪᕐᑐᑦ ᐱᓯᒪᑦᑎᔨᒋᔭᐅᓂᐊᕐᓗᓂ ᐃᑲᔪᖅᑎᒋᔭᐅᓂᐊᕐᓗᓂᓪᓘᓐᓃᑦ ᐃᓕᑕᕆᔭᐅᓯᒪᔪᒧᑦ ᐊᓐᓂᐊᓯᐅᖅᑎᐅᓗᓂ ᓘᑦᑖᖑᓗᓂᓪᓘᓐᓃᑦ ᓇᓗᓇᐃᖅᓯᔪᒥᑦ ᐅᖃᐅᓯᓕᕐᒥᑦ ᐃᓚᒋᔭᐅᔪ ᐊᖅᑭᖅᑕᐅᔪᓐᓇᖏᑦᑐᒥᑦ ᖁᓚᕐᓇᖅᑐᒥᓪᓘᓐᓃᑦ ᐊᑦᑕᓇᕐᓂᖃᕈᓂ ᐅᓪᓗᐃᑦ 26ᓄᑦ ᐱᓇᓱᐊᕈᓯᓄᑦ ᐱᒋᐊᕐᕕᖃᕐᓗᓂ (ᐊ) ᐅᓪᓗᖓᓐᓂᑦ ᓇᓗᓇᐃᖅᓯᔾᔪᑕᐅᔪᖅ (ᐸ) ᓄᖅᑲᖓᑲᐃᓐᓇᕆᐊᖃᕐᓂᖅ ᑐᐊᕕᓐᓇᕈᓂ ᓇᓗᓇᐃᖅᓯᔾᔪᑎᒥᑦ ᐊᓪᓛᑦ ᐱᓚᐅᖅᑎᓐᓇᒍ, ᐅᓪᓗᖓᓐᓂ ᐱᒋᐊᕐᖓᕈᑎᖃᕆᐊᓕ. ᐊᑭᓕᖅᑕᐅᖏᔾᔪᑎᖃᕐᓂᐊᕈᓂ ᐃᖅᑲᓇᐃᔮᒥᓄᑦ ᐊᑐᖅᑕᐅᓗᓂ ᐱᓇᓱᐊᕈᓯᓕᒫᖑᓚᐅᖅᑎᓐᓇᒍ.

ᖃᓄᐃᓘᖅᑕᐃᓕᒪᒋᖓᖃᕐᓂᖓ ᐃᖅᑲᓇᐃᔭᕐᕕᐊᑕ

ᖃᖓᑐᐃᓐᓇᖅ ᐃᖅᑲᓇᐃᔭᕐᕕ ᓄᖅᑲᕐᑎᑦᓯᔭᕆᐊᖃᖏᑦᑐᖅ, ᐅᐸᖁᔨᑦᑕᐃᓕᔭᕆᐊᖃᖏᑦᑐᖅ, ᒪᐅᖓᑐᐃᓐᓇᖅ ᓄᖅᑲᕐᑎᑦᓯᑕᐃᓕᔭᕆᐊᓕ, ᐃᖅᑲᓇᐃᔭᕐᒥᑦ ᐱᔭᑦᓴᒋᔭᐅᔪᓂᑦ ᐊᓯᔾᔩᔭᒋᐊᖃᖏᑦᑐᖅ ᖃᓄᖅᑑᕈᑕᐅᔪᓂᓪᓘᓐᓃᑦ ᑎᓕᓯᓯᒪᒋᐊᖃᖏᑦᑐᖅ ᐃᖅᑲᓇᐃᔭᕐᑎᐅᔪᖅ ᑐᑦᓯᕌᖃᕐᓯᒪᓐᓂᖃᑦ ᓇᔾᔨᔪᓄᑦ ᓄᖅᑲᖓᑲᐃᓐᓇᕈᑎᐅᔪᒥᑦ/ᕿᑐᕐᖓᓕᕆᔪᓐᓇᕐᓂᕐᒧᑦ/ᐱᓯᒪᑦᓯᔨᐅᓂᕐᒧᓪᓘᓐᓂᑦ ᐊᖅᑭᒋᐊᕐᑕᐅᓯᒪᓂᖏᓐᓄᑦ ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

12. ᐲᖅᓯᕕᐅᕙᓐᓂᖏᑦ ᑮᓇᐅᔾᔭᓴᐅᑎᖏᑦ

ᐅᓇ ᖃᐅᔨᒪᔭᐅᔪᖅ ᓈᓚᑦᑕᐅᔭᕆᐊᓕ ᐃᓘᓐᓇᐃᓄᑦ

ᐃᓚᓕᐅᑎᓯᓚᔪᖕᓂᑦ VI, ᓴᖅᑭᑕᒃᓴᓂ 51 (1) ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓄᑦ, ᓇᓗᓇᐃᖅᓯᓯᒪᒻᒪᑦ ᓈᓚᑦᑕᐅᑦᓴᐃᓐᓇᕆᐊᓕᖕᒥᑦ ᐃᓘᓐᓇᐃᓄᑦ: “ᖃᖓᑐᐃᓐᓇᖅ ᐃᖅᑲᓇᐃᔭᕐᕕ ᐲᔭᐃᑐᐃᓐᓇᕆᐊᖃᖏᓚᖅ ᑮᓇᐅᔾᔭᓵᖑᔪᒥᑦ ᐊᓯᖏᓂᓪᓘᓐᓃᑦ ᐃᖅᑲᓇᐃᔭᕐᑎᖏᓐᓂᑦ ᖃᖓᑐᐃᓐᓇᖅ ᑕᐃᒪ ᑭᓯᐊᓂ ᐅᓇ ᓴᖅᑭᑕᒃᓴᐅᔪᖅ ᓇᓗᓇᐃᖅᓯᓯᒪᑉᐸᑦ ᐊᓯᐊᒍ”.

ᓴᖅᑭᑕᒃᓴᓂ 51 (1) ᓇᓕᓇᐃᖅᓯᒻᒪᑦ ᖃᖓᑐᐃᓐᓇᖅ ᐃᖅᑲᓇᐃᔭᕐᕕᒃ ᐲᔭᐃᑕᐃᓕᔭᕆᐊᖃᕐᓂᖓᓂᑦ ᑮᓇᐅᔾᔭᓵᕆᔭᐅᔪᒥᑦ ᐆᒪ ᐊᓯᐊᒍᑦ ᑭᓯᐊᓂ ᑕᐃᒪ ᐊᓯᐊᒎᒍᓐᓇᖏᑐᐊᕈᓂ ᐲᖅᓯᕕᐅᒍᓐᓇᕋᓗᐊᕐᓱᓂ. ᑕᒪᔾᔭ ᐊᓯᐊᒎᒍᓐᓇᐅᑎᐅᔪᑦ, ᐲᔭᐃᕕᐅᒍᓐᓇᕐᓂᕋᓪᓗᓂ ᐃᖅᑲᓇᐃᔭᕐᑎᐅᔪᖅ ᐊᑎᓕᐅᖅᓯᒪᓗᓂᓗ ᑕᐃᒪᐃᖁᔨᔪᒥᑦ. ᑕᐃᒪᐃᓂᐊᕈᓂ ᐲᔭᐃᒍᓐᓇᕈᓂ, ᐊᖏᖅᑕᐅᓯᒪᓂᖓ ᑲᔪᓯᒋᐊᖁᔨᓯᒪᓂᐅᔪᖅ ᑎᑎᖅᑲᕐᑎᒍᑦ ᓇᓗᓇᐃᔭᖅᑕᐅᓯᒪᔭᕆᐊᓕ ᖃᑦᓯᓂᓪᓗ ᐲᔭᐃᕕᐅᓂᐊᕐᓂᕐᒥᑦ ᓇᓗᓇᐃᔭᐃᓯᒪᓗᑎᑦ, ᐅᕙᓂᓗ ᓱᓕᔪᒥᑦ ᐊᖏᖅᓯᒪᓂᖃᕐᓗᓂ ᑕᐃᒪᐃᖁᔨᓂᖓᓐᓂᑦ ᐲᔭᐃᕕᐅᒍᓐᓇᕐᓂᖓᓐᓂᑦ ᓯᒃᑭᑖᒃᓴᖓᓐᓂᑦ. ᐅᓇᓗ ᓇᓗᓇᐃᖅᓯᓂ ᖃᓄᑎᒋ ᐲᔭᐃᕕᐅᓂᐊᕐᓂᖅ ᑮᓇᐅᔭᕐᑎᒍᑦ ᐃᖅᑲᓇᐃᔭᕐᑎᖕᒧᑦ ᐃᓱᒪᖅᓲᑕᐅᓗᓂ.

ᖃᓄᑎᒋ ᐲᔭᐃᕕᒋᔭᐅᔪᓐᓇᖅᐸ ᐃᖅᑲᓇᐃᔭᕐᑎᐅᑉ ᓯᒃᑭᑖᕆᓂᐊᖅᑕᖓ?

ᐲᔭᐃᕕᐅᕙᑦᑐ ᒐᕙᒪᑐᖃᒃᑯᑦ ᐊᖅᑭᕐᓯᒪᓂᖏᑦ ᐊᕕᖅᑐᕐᓯᒪᔪᐃᓪᓗ ᒪᑯᐊ ᐅᑎᖅᑐᑦᓴᔪᑦ ᐃᖅᑲᓇᐃᔭᕐᑏᑦ ᓄᐊᓴᐃᓂᕆᕙᑦᑕᖏᓪᓗ ᖃᓄᐃᑦᑐᖃᑳᓪᓚᑐᖃᓐᓂᖃᑦ.
ᑎᓕᔭᐅᓯᒪᓂᖏᓐᓄᑦ ᐃᖅᑲᑐᐃᕕᒃᑯᓐᓂᑦ ᕿᑐᕐᖓᕆᔭᐅᔪᑦ ᑮᓇᐃᔭᕐᑎᒍᑦ ᐃᑲᔫᓯᐊᖅᐸᓐᓂᖏᑦ ᐊᒻᒪᓗ ᐃᖅᑲᓇᐃᔭᕐᑏᑦ ᑲᑐᔾᔨᖃᑎᒌᖏᓐᓅᖓᔪᓄᑦ.
ᓯᒃᑭᖏᑎᒍᑦ ᓯᒃᑭᑖᖅᑎᑕᐅᓗᐊᕐᓯᒪᔪᒥᓂᐅᒍᑎ
ᖃᖓᑐᐃᓐᓇᖅ ᖃᑦᓯᐅᓂᐊᕐᓂᖏᑦ ᓇᓗᓇᐃᔭᕐᑕᐅᓯᒪᑦᓯᐊᒋᐊᓖᑦ ᐃᖅᑲᓇᐃᔭᕐᑎᒧᑦ.

ᐲᖅᓯᕕᐅᕙᓐᓂᖏᑦ ᑮᓇᐅᔾᔭᓴᐅᑎᖏᑦ

ᐊᖏᖃᑎᒌᒍᑕᐅᔪᑦ ᑲᔪᓯᒋᐊᖁᔨᓂᐅᓂᒃᑯᑦ

ᑕᒫᖓᑦᓴᐃᓐᓇᖅ ᐊᖏᖃᑎᒌᒍᑕᐅᓯᒪᔪᑦ ᐃᖅᑲᓇᐃᔭᕐᑎᒋᔭᐅᓂᐊᕈᓂ, ᐅᕙᓂ ᓇᓗᓇᐃᔭᕐᓯᒪᒍᓂ ᓇᓗᓇᐃᔭᕐᓯᒪᖏᒃᑲᓗᐊᕈᓂ ᑮᓇᐅᔾᔭᓴᕈᑎᐅᓂᐊᖅᑐᖅ, ᐃᒫ ᐱᖁᔨᓗᓂ ᑕᐃᒫᖑᖏᑦᑐᖅ ᐱᓕᕆᔪᒥᓂᐅᓂᕐᒥᓂᑦ ᐊᑭᓖᒋᐊᖃᓕᖅᑎᑦᓯᔪᓐᓇᕐᑐᖅ ᐃᖅᑲᓇᐃᔭᕐᑎᕐᒥᑦ, ᑭᓯᐊᓂ ᑕᐃᒪᐃᓐᓂᐊᒍᓂ ᐲᔭᐃᕕᐅᓂᐊᕈᓂ ᓇᓗᓇᐃᔭᐃᖅᓯᒪᑦᓯᐊᕆᐊᓖ ᑲᔪᓯᒍᓐᓇᕐᓂᐅᓂᖏᓐᓂᑦ.

ᓇᐃᓈᕐᓗᒍ

ᐃᖅᑲᓇᐃᔭᕐᕕᑦ ᖃᖓᑐᐃᓐᓇᖅ ᐲᔭᐃᑐᐃᓐᓇᒍᓐᓇᖏᑦᑐᑦ ᑮᓇᐅᔭᕐᓂᑦ, ᐃᖅᑲᓇᐃᔭᕐᑎ ᐊᑭᓕᒃᓴᖃᕐᓂᕋᖅᑕᐅᒍᓂ ᐃᖅᑲᓇᐃᔭᕐᕕᖓᓐᓄᑦ, ᓯᒃᑭᑖᒃᓴᖏᑕ ᐃᖅᑲᓇᐃᔭᕐᑎᐅᑉ ᐲᔭᐃᕕᐅᑐᐃᓐᓇᕐᑕᐃᓕᔪᑦ ᐊᖏᖃᑎᖃᖅᑳᓚᐅᕐᑎᓐᓇᒍ ᐃᖅᑲᓇᐃᔭᕐᑎ, ᑎᑎᖃᖅᑎᒍᑦ, ᖃᖓᓪᓗ ᐲᔭᐃᕕᐅᓂᐊᕐᒪᖔᕐᒥᑦ. ᐅᓇ ᑐᑭᓯᐅᒪᒍᑕᐅᓂᕐᒧᑦ ᑕᐃᒪᐃᓂᐊᕐᓂᖏᓐᓂᑦ, ᐃᖅᑲᓇᐃᔭᕐᑎ ᖃᐅᔨᒪᑎᑕᐅᓗᓂ ᓱᓇᒧᑦ ᐊᑎᓕᐅᖅᑎᑕᐅᓯᒪᓂᖓᓂᑦ ᖃᖓᓪᓗ ᑕᒪᒃᑯᐊ ᐊᖅᑭᕐᑕᐅᓂᐊᕐᓂᖏᑦ ᑐᑭᓯᐅᒪᓗᒋᑦ ᐃᖅᑲᓇᐃᔭᕐᑎᐅᑉ.

ᐅᓇ ᑐᑭᓕᐊᕈᑎᑐᐃᓐᓇᖅ

13. ᐊᓪᓚᑦᑎᓕᕆᔩᑦ ᐊᒻᒪᓗ ᓈᓚᑦᑕᐅᔭᕆᐊᓕ ᐃᓘᓐᓇᐃᓄᑦ

ᐊᓪᓚᑦᑎᓕᕆᔩᑦ ᐊᒻᒪᓗ ᓈᓚᑦᑕᐅᔭᕆᐊᓖᑦ ᐃᓘᓐᓇᐃᓄᑦ ᑕᒪᔾᔭᐅᕗᑦ ᒪᓕᑦᑕᐅᔭᕆᐊᓖᑦ ᐱᖁᔨᕗᖔᕈᑏᑦ ᖃᓄᐃᖅᑐᖃᕐᓂᕈᓂ ᐅᓐᓂᕐᓘᑕᐅᔪᑦ ᓴᖅᑭᑕᐅᓯᒪᓕᖅᐸᑕ ᖃᓄᖅᑑᒍᑎᐅᔪᓪᓗ ᖃᐅᔨᓴᕐᓂᕐᒨᖓᔪᑦ ᐅᑯᐊ ᐃᖅᑲᓇᐃᔭᕐᕖᑦ ᑕᐃᒫᑦᓯᐊᖅ ᓈᓚᑦᓯᐊᒐᓗᐊᕐᒪᖔᕐᒥᑦ ᓈᒻᒪᑐᐃᓐᓇᖅᑐᒥᑦ ᒪᓕᑦᑕᒃᓴᐅᔪᑦ ᐅᕙᓂ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓂᑦ.

ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᐅᓐᓂᕐᓘᑏᑦ

ᐃᖅᑲᓇᐃᔭᖅᑎᐅᒍᓂ ᐃᖅᑲᓇᐃᔭᕐᕕᒻᒥᑦ ᓄᓇᕗᒻᒥᑦ ᐱᔪᓐᓇᕐᓂᖃᖅᑎᑕᐅᒻᒪᑦ ᐅᓂᕐᓗᒍᓐᓇᕐᓂᐅᔪᒥᑦ ᓴᖅᑭᑎᑦᑎᓗᓂ ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᐅᕗᖓ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ, ᖃᖓᑐᐃᓐᓇᖅ ᐃᖅᑲᓇᐃᔭᕐᑎ ᐃᒫᑦ ᐃᑉᐱᒍᓱᓂᖃᓕᕐᓂᕈᓂ ᐅᑯᐊ ᓈᓚᑦᑕᐅᖏᓐᓂᖏᓐᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᐃᑦ ᐃᖅᑲᓇᐃᔭᕐᑎᖏᓐᓄᑦ, ᑖᓐᓇᓗ ᐃᖅᑲᓇᐃᔭᕐᑎ ᐅᖃᖃᑎᖃᖅᓯᒪᒋᐊᓕ ᐃᖅᑲᓇᐃᔭᕐᕕᖓᓐᓂᑦ ᐅᓐᓂᕐᓗᓐᓂᐊᕐᓂᕐᒥᓂᑦ ᐃᖅᑲᓇᐃᔭᕐᓂᒨᖓᔪᓄᑦ.

ᐱᔭᒃᓴᕆᔭᖏᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᐅᑉ

ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᑦ ᖃᖓᑐᐃᓐᓇᖅ ᐊᔩᖃᑎᒌᓂᐅᓂᕐᒧᑦ ᐊᖏᖃᑎᒌᒍᓐᓇᖅᑎᑦᓯᓇᓱᐊᕆᐊᓕ ᐅᓐᓂᕐᓘᑎᒋᔭᐅᔫᑉ ᒥᒃᓵᓄᖓᔪᓄᑦ ᐅᑯᐊᓪᓗ ᐊᑐᖅᑕᐅᑦᓯᐊᕐᓗᑎᑦ ᒪᓕᑦᑕᐅᔭᕆᐊᓖᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑦ. ᐅᓇᓗ ᐱᓕᕆᔨ ᐃᓱᒪᓕᐅᔪᓐᓇᖏᑦᑐᖅ ᐊᑲᐃᙱᓕᐅᕈᑕᐅᔪᒥᑦ, ᐅᕙᓂᓗ ᑎᑎᖅᑲᕐᑖᕐᑎᑕᐅᓗᓂ ᐃᖅᑲᓇᐃᔭᕐᕕ ᐅᓐᓂᕐᓗᕈᑕᐅᔫᑉ ᒥᒃᓵᓄᖓᔪᒥᑦ ᑎᓕᓯᔾᔪᑎᖕᒥᑦ ᒪᓕᒋᐊᓕᖓᓐᓂᑦ ᐃᖅᑲᓇᐃᔭᕐᕕᐅᑉ ᑐᓂᓯᔭᐅᓗᓂ. ᐅᕙᓂ ᑮᓇᐅᔭᐅᑉ ᒥᒃᓵᓄᖓᔪᑦ, ᐊᑭᓕᖅᓱᐃᖏᓗᐊᕐᓂᖓᓐᓄᑦ ᐃᓕᑦᑕᖅᓯᑎᑕᐅᓗᑎᑦ ᐃᖅᑲᓇᐃᔭᕐᕕᐅᔪᑦ ᑐᑭᓯᒋᐊᕈᑎᒥᑦ ᐅᕙᓂᓗ ᑎᑎᕋᕐᕕᒋᓗᒋᑦ ᑎᓕᔭᐅᒋᐊᕐᓂᖏᓐᓂᑦ ᐱᓕᕆᔨᖓᓐᓄᑦ, ᐃᖅᑲᓇᐃᔭᕐᕕᒃ ᐊᑭᓕᖅᓱᐃᒋᐊᖃᕐᓂᖓᓐᓂᑦ ᐊᑭᖏᓗᐊᖅᓯᒪᔭᖏᓐᓂᒃ ᐃᖅᑲᓇᐃᔭᕐᑎᒻᒥᓄᑦ ᓇᓗᓇᐃᔭᐃᓯᒪᓗᑎᓪᓗ ᖃᑦᓯᐅᓂᖏᑦ ᐊᑭᓕᖅᑕᐅᔭᕆᐊᓖᑦ.

ᐅᓇᓗ ᖃᐅᔨᒪᒋᐊᕈᑎ ᖃᖓᑐᐃᓐᓇᖅ ᐃᖅᑲᓇᐃᔭᓐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᑕ ᐃᓱᒪᓕᐅᖅᓯᓂᖓ ᖃᐅᔨᓴᖅᑕᐅᒃᑲᒍᓐᓇᓂᖃᕐᓂᖏᓐᓂᑦ ᐃᖅᑲᓇᐃᔭᕐᕖᑦ ᐅᑯᓄᖓ ᐅᓐᓂᕐᓘᑎᖃᕐᓗᑎᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᑲᑎᒪᔨᖏᓐᓄᑦ. ᐅᑯᐊᓗ ᑲᑎᒪᔩᒃ ᐃᒻᒥᒃᑰᓕᖓᖕᒪᑕ, ᐱᔭᒃᓴᖃᕐᐸᒃᓱᑎ ᓈᓚᑦᑎᐅᓂᕐᒥᓂᑦ ᐅᓐᓂᕐᓘᑎᒥᓂᐅᔪᓂᑦ ᕿᒥᕐᕈᕐᐸᒃᓱᑎᑦ ᐃᓱᒪᓕᐅᕈᑎᒥᓂᐅᔪᓂᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖓᓐᓄᑦ.

ᐊᓪᓚᑦᑎᓕᕆᔩᑦ ᐊᒻᒪᓗ ᓈᓚᑦᑕᐅᔭᕆᐊᓕ ᐃᓘᓐᓇᐃᓄᑦ

ᑭᓇᑐᐃᓐᓇᖅ ᓴᖅᑭᑎᒃᓯᓚᖓᒍᓂ ᐅᓐᓂᕐᓘᑕᐅᒍᒪᔪᒥᑦ ᐅᑯᓄᖓ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᓕᕆᔨᖃᕐᕕᖓᓐᓄᑦ:

ᐃᖅᑲᓇᐃᔭᕐᑎ ᒪᑯᓇᖓᑦ ᐊᑐᐃᓐᓇᐅᑎᑦᑎᒋᐊᓕ ᑐᑭᓯᐅᒪᒋᐊᒃᑲᓐᓂᕈᑎᐅᔪᓂᑦ:

ᖃᓄᖅᑑᒋᐊᕈᑎᒥᓂᐅᔪᑦ ᐃᖅᑲᓇᐃᔭᕐᑎᖏᒧᑦ ᓯᕗᓪᓕᐅᑎᑕᐅᓗᑎᑦ ᐋᖅᑭᒋᐊᒃᑲᓐᓂᕈᒪᒍᑎᓃᑦ ᐃᖅᑲᓇᐃᔭᕐᕕᐅᔪᒥᑦ;
ᑕᐃᒫᑦᓯᐊᖅ ᑎᑎᕋᖅᓯᒪᓂᖓ ᐊᑎᐊᑕ, ᑐᕌᕈᑎᖓ ᐃᖅᑲᓇᐃᔭᕐᕕᑉᐱᑦ ᓇᒥᓪᓗ ᐃᖅᑲᓇᐃᔭᖅᕕᒥᓂᕆᔭᐃᑦ;
ᐃᖅᑲᓇᐃᔭᕐᑎᐅᑉ ᐱᒋᐊᖓᕐᕕᒥᓂᖓ ᐃᖅᑲᓇᐃᔮᕐᒥᓂᑦ ᐊᒻᒪᓗ ᖃᖓ ᓄᖅᑲᕐᕕᒃᓴᖃᕐᓂᕈᓂ;
ᓇᐃᓈᕐᓗᒍ ᐅᖃᐅᓯᒃᓴᓕᐊᑦ ᓱᓇᐅᒻᒪᖔᕐᓗ ᐊᑲᐃᙱᓕᐅᕈᑎᐅᔪᖅ, ᐃᓚᖃᕐᓗᓂ ᑎᑎᕋᖅᓯᒪᔪᓂᑦ ᐱᑕᖃᕐᐸᑦ.

ᐅᓇ ᑐᑭᓕᐊᕈᑎᑐᐃᓐᓇᖅ

14. ᐃᓚᓕᐅᑕᐅᖃᑕᐅᖏᑦᑐᑦ ᐊᒻᒪᓗ ᐃᓚᓕᐅᑎᐅᖃᑕᐅᔪᑦ / ᐃᑲᕐᕋᓕᐊᕈᑏᑦ ᐊᒻᒪᓗ ᓯᒃᑭᑖᕆᔭᐅᔪᒃᓴᑦ

ᐃᓚᓕᐅᑕᐅᖃᑕᐅᖏᑦᑐᑦ - ᐅᕙᓂ ᓇᓗᓇᐃᔭᖅᑕᐅᓯᓚᒍᓐᓇᕐᑐᖅ ᐃᒪᐃᓕᖓᓗᓂ ᑐᒃᓯᕋᐅᑎᐅᑉ ᑐᑭᖏᓐᓂᑦ s.2.(2). ᓄᓇᕗᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓂᑦ ᐅᖃᐅᓯᐅᓯᒪᖕᒪᑦ ᓇᐃᓈᖅᓯᒪᒐᓗᐊᕐᓗᓂ:

ᐊᖏᔪᖅᑳᑦ - ᓯᕗᓪᓕᖕᒥᑦ - ᐃᑲᕐᕋᓕᐊᖏᑦ ᐊᔾᔨᐅᖏᓐᓂᖃᕐᒪᑕ ᐅᑯᐊ ᓴᓂᐊᓂ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᓐᓂᑦ ᐊᓪᓚᑦᑕᐅᓯᒪᓂᖏᑦ, ᐱᓗᐊᖅᑐᒥᑦ ᐊᖏᔪᖅᑳᒋᔭᐅᓗᑎᑦ ᐃᖅᑲᓇᐃᔭᕐᑎᓄᑦ.

ᐃᑲᕐᕋᓕᐊᕈᑏᑦ ᐊᒻᒪᓗ ᓯᒃᑭᑖᕆᔭᐅᔪᒃᓴᑦ

ᐱᖁᔭᖅᑎᒍᑦ ᓇᓗᓇᐃᔭᖅᑕᐅᓯᒪᖏᒻᒪᑦ ᖃᖓᑐᐃᓐᓇᖅ ᐃᖅᑲᓇᐃᔭᕐᕕᒃ ᐃᒪᐃᓕᖓᔭᕆᐊᓕᖕᒥᑦ ᑐᒃᓯᕌᖃᖃᑦᑕᕐᓗᑎᑦ ᐃᓚᓕᐅᑕᐅᖃᑕᐃᖏᑦᑎᓪᓗᒋᑦ ᐃᖅᑲᓇᐃᔭᕐᑏᑦ ᐃᑲᕐᕋᓕᐊᖓᑕ ᒥᒃᓵᓄᑦ. ᐅᕙᓂ ᐱᔭᕆᐊᑭᓪᓕᒋᐊᖅᑕᐅᓯᒪᓂᖏᓐᓄᑦ ᖃᓄᕐᓗ ᒪᓕᑦᑕᑦᓴᐅᔪᑦ ᐊᖅᑭᕐᑕᐅᓯᒪᓂᖏᓐᓄᑦ ᓇᓗᓇᒍᓐᓃᖅᑎᑕᐅᓯᒪᓂᖏᑦ ᐃᖅᑲᓇᐃᔭᕐᕕᒻᒧᑦ ᖃᐅᔨᒪᔭᐅᑲᐅᑦᑐᒋᐊᓖᑦ ᐊᓪᓚᑦᑕᐅᓯᒪᔪᑦ ᒪᓕᓪᓗᒋᑦ ᐃᖅᑲᓇᐃᔭᕐᑏᑦ ᖃᓄᑎᒋ ᕿᑲᑲᐃᓐᓇᕈᓐᓇᕐᓂᐅᔪᑦ ᐊᒻᒪᓗ ᕿᑲᔾᔪᓯᐊᖅᑖᕈᑎᐅᔪᑦ ᐊᓯᖏᓪᓗ (ᕿᑲᔾᔪᓯᐊᕐᓴᑦ) ᑮᓇᐅᔭᖅᑖᒍᑎᒋᔭᐅᕙᑦᑐᑦ ᐅᑯᐊᓗ ᐃᓚᓕᐅᑎᒋᓗᒋ ᐅᕙᓂ ᓇᓗᓇᐃᔭᐃᖅᑕᐅᓯᒪᔪᑦ ᓄᖅᑲᖓᑲᐃᓐᓇᒍᓐᓇᕈᑕᐅᔪᑦ ᐃᓚᖃᕐᓗᑎᑦ ᐊᓐᓂᐊᔪᒥᓂᐅᒍᓂ ᐃᖅᑲᓇᐃᔭᖏᑲᐃᓐᓇᒍᑎ.

ᐃᓚᓕᐅᑎᐅᖃᑕᐅᔪᑦ- ᐃᒪ ᑐᑭᓕᐅᖅᑕᐅᓯᒪᔪᖅ ᑭᓇᑐᐃᓐᓇᖅ ᐃᖅᑲᓇᐃᔭᕐᑎ ᐊᖏᔪᖄᕆᔭᐅᖏᑦᑐᖅ ᐃᖅᑲᓇᐃᔭᕐᕕᒻᒥᑦ ᐅᕙᓂ ᑐᑭᓕᐅᖅᑕᐅᓯᓚᔪᑦ S.2(2) ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᑎᒍᑦ ᑮᓇᐅᔾᔭᓴᐅᑎᒥᑦ ᒪᓕᓪᓗᑎᑦ ᐊᑭᓕᖅᑕᐅᖃᑦᑕᕆᐊᓕ.

ᐃᓚᖓ V1.S.50.(5) ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖓᑎᒍᑦ ᓇᓗᓇᐃᔭᐃᓯᒪᓂᖓᑦ ᐃᒪᐃᓕᖓᔪᖅ:

ᐃᖅᑲᓇᐃᔭᕐᑎ, ᑮᓇᐅᔾᔭᓵᖏᑦ ᐊᕐᕋᒍᓕᒫᒧᑦ ᐊᖅᑭᕐᑕᐅᓯᒪᓗᑎ ᒪᐅᖓᑐᐃᓐᓇᖅ ᓄᖅᑲᖅᑎᑕᐅᒍᓂ, ᐃᖅᑲᓇᐃᔭᕐᑎ ᐃᑲᕐᕋᓕᐊᒥᓂᖏᓐᓂᑦ ᐊᑐᕐᓗᑎᑦ ᑮᓇᐃᔭᖅᑖᕆᒋᐊᓕᖏᑦ ᐱᓕᕆᕕᒥᓂᖏᑦ ᐃᖅᑲᓇᐃᔭᖅᑎᓪᓗᒍ ᓱᓕ.

ᐃᓚᓕᐅᑕᐅᖃᑕᐅᖏᑦᑐᑦ ᐊᒻᒪᓗ ᐃᓚᓕᐅᑎᐅᖃᑕᐅᔪᑦ / ᐃᑲᕐᕋᓕᐊᕈᑏᑦ ᐊᒻᒪᓗ ᓯᒃᑭᑖᕆᔭᐅᔪᒃᓴᑦ

ᐃᖅᑲᓇᐃᔭᕐᑎ ᐊᖏᖃᑎᖃᕐᓗᓂ ᐊᕐᕌᒍᓕᒫᖅ ᖃᓄ ᑮᓇᐃᔾᔭᓴᖃᑦᑕᕐᓂᐊᕐᓗᓂ ᖃᓄᑎᒋᓪᓗ ᐃᑲᕐᕋᖏᑦ ᐊᖅᑭᕐᑕᐅᓯᒪᓂᖏᑦ ᒪᓕᓪᓗᒋᑦ ᐃᓚᖃᕐᓗᑎᑦ ᖄᖏᐅᑎᓯᒪᒍᑎᒥᓂᐅᔪᑦ ᐊᒻᒪᓗ ᐅᑯᐊ ᐊᖅᑭᐅᒪᒍᑎᐅᓗᑎᑦ:

ᐃᑲᕐᕋᓕᐅᕐᕕᖏᑦ ᐊᕐᕌᒍᓕᒫᖅ ᓈᒻᒪᑐᐃᓐᓇᖅᑐᒥᑦ ᐊᖏᓂᖅᓴᐅᓗᓂᓪᓘᓐᓃᑦ ᓇᓗᓇᐃᔭᐃᖅᑕᐅᓯᒪᒋᐊᓕ.
ᐅᑯᐊᓗ ᑮᓇᐅᔾᔭᓯᐊᖏᑦ ᓯᒃᑭᑖᒥᓂᖏᓪᓗ ᐊᖅᑭᐅᒪᑦᓯᐊᕆᐊᓖᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᓐᓂᑦ ᓯᕗᓪᓕᖕᒦᑦᑐᓂᑦ - ᐃᑲᕐᕋᓕᐊᑦ, ᐊᒻᒪᓗ ᐃᓚᓕᐅᑎᓯᒪᓂᐅᔪᑦ ᓇᓗᓇᐃᔭᐃᖅᑕᐅᓯᒪᓂᖏᑦ ᒪᓕᓪᓗᒋᑦ ᐊᐃᑉᐹᓂ - ᓈᒻᒪᑐᐃᓐᓇᖅᑐᓂᑦ ᑮᓇᐅᔾᔭᓴᕐᓂᖅ; ᐱᖓᔪᐊᑦ - ᐊᕐᕌᒍᖅ ᑕᒫᑦ ᕿᑲᔾᔪᓯᐊᑦ ᐊᒻᒪᓗ ᓯᒃᑭᖅᑎᒍᑦ; ᓯᑕᒪᖓᓐᓂᑦ-ᕿᑲᕐᕕᒋᔭᐅᕙᑦᑐᑦ ᐊᒻᒪᓗ ᐃᓚᖓᓐᓂᑦ VI S.46(1) - ᑮᓇᐅᔾᔭᓵᖏᑕ ᓇᓕᖅᑲᖏᑦ.
ᐅᕙᓂᓗ ᐃᒪᐃᓕᖓᒋᐊᖃᕈᓂ ᐃᓚᓕᐅᑎᐅᖃᑕᐃᖏᑦᑐᖅ ᐃᖅᑲᓇᐃᔭᕐᑎ ᐊᕐᕌᒍᖅ ᑕᒫᑦ ᑮᓇᐅᔾᔭᓴᖅᑐᖅ ᐊᕕᖅᑐᓯᒪᔪᓂᑦ ᑎᑎᕋᖅᓯᒪᔪᓂᑦ ᐊᑐᐃᓐᓇᐅᑎᑦᓯᒋᐊᓕ ᐃᑲᕐᕋᓕᐊᖓᑕ ᓯᓚᑖᓂᑦ ᐃᖅᑲᓇᐃᔭᓚᖓᒍᓂ, (ᖄᖓᓂ, ᐊᖏᖃᑎᒌᒍᑎᒥᓂᐅᒍᑎ ᑕᐃᒪᐃᓕᖓᓗᑎᑦ), ᐃᖅᑲᓇᐃᔭᕐᕕ ᐊᑭᓕᖅᓱᓕᔭᕆᐊᓕ ᓱᓕ ᐃᑲᕐᕋᓕᐊᖏᑕ ᓯᓚᑖᓂᑦ ᐃᖅᑲᓇᐃᔭᕆᓕᐊᒥᓂᐅᒍᓂ. ᐅᑯᐊ ᐊᑭᓕᖅᑕᐅᒍᑎᒋᔭᖏᑦ ᖄᖏᐅᑎᒍᑎᒥᓂᐅᓗᑎᑦ ᑲᒪᒋᔭᐅᔭᕆᐊᓖᑦ ᖄᖓᒍ 1.5 ᐃᖅᑲᓇᐃᔭᕐᑎᐅᑉ ᑮᓇᐅᔾᔭᓵᖏᑕ.
ᐃᖅᑲᓇᐃᔭᕐᕕ ᑕᒪᒃᑯᓇᖓᑦ ᒪᓕᒋᐊᓕᓐᓂᑦ ᓈᓚᒋᐊᓕ ᐊᓪᓚᑦᑕᐅᓯᒪᔪᓂᑦ S.46.(1) ᐱᖁᔭᕐᓂᑦ ᑎᑎᕋᖅᓯᒪᔭᕆᐊᖃᕐᓂᖓ ᐊᓪᓚᑦᓯᓯᒪᒋᐊᖃᕐᓂᖓᓗ ᐃᑲᕐᕋᐃᑦ ᐃᖅᑲᓇᐃᔭᕐᕕᐅᔪᑦ ᐃᖅᑲᓇᐃᔭᖅᑎᖏᓐᓄᑦ

ᐅᓇ ᑐᑭᓕᐊᕈᑎᑐᐃᓐᓇᖅ

ᐃᓄᒃᑎᑐᑦ

ᖃᐅᔨᔭᐅᓯᒪᓕᖅᑐᑦ